Affordable Watches 手錶討論區 (13)

老母正

咁橙針先係 squale 招牌

知你笑咩啦

咁其實商業世界係咁㗎啦

算你醒目

舊圖支援下

個雷暴警告係都唔落

刁個芯仲樣衰過miyota

咁又未至於

輸外觀唔出奇

但係穩定度，上鏈手感完勝

佢嗰兩下拉把好分明依樣我好鐘意，贏通用芯九條街

完全兩回事，所以我對平價通用芯已經冇晒感覺

Affordable 都係玩款行先

stowa junghans nomos，其實有差別，三個牌子都有走bahaus路線，但風格略有不同...

stowa antea 同 nomos tangente 用既字體係經典式字體，但nomos在錶面上再簡約d，小d字。而junghans 由max bill設計既字體就比較圓。

手工方面，nomos理論上係3間中最好，但致命問題係錶耳鬼死咁長，往往要上手先知襯唔襯自己。junghans max bill lug 偏短，38mm 係dress watch最適合既size。stowa 做39mm 47mm lug to lug就偏向大隻小小但仍然簡約好睇。

機芯就理論上nomos最好，但nomos alpha設計就係源自eta 7001，自動既neomatik 先可以話係真正的自家機芯。stowa 同 junghans機芯都係用eta加自己手工小改，stowa就有個透底你J下，junghans只有form a系列先有透底。

最後純個人感覺，nomos同stowa 都有好文青feel，如果想大三針既就stowa，小秒針就上nomos啦，4份3夾板係正宗德味，但2萬以上既nomos，有人會覺得其他牌子更勝一籌。

另一個考慮點係，文青味未必擺得長久，年紀大左你就會覺得係死𡃁仔先戴既錶。junghans既max bill我會覺得成熟穩重long last，巴打亦可望下佢meister系列，紅巴好似有隻金邊小秒針我都覺得好好睇。

stowa，光頭佬ceo走左唔知會變成點，現時我比較欣賞佢既flieger或者marine多d，始終覺得stowa係軍佬製錶為主。

//文青味未必擺得長久，年紀大左你就會覺得係死𡃁仔先戴既錶。//

好同意，已經有呢個感覺

睇你預幾錢，精工同級就東方星，一個玩錶面，一個玩造功打磨，再上就 max bill，浪琴 heritage 嗰啲，多到數唔晒

當自己開始變麻甩佬嘅時候就會開始玩潛玩飛行，玩 tool watch 佬味型好多

小弟都係一個西裝友嚟嘅
但文青錶硬係有少少格格不入同小朋友咁

咸爺咪又係成身西裝，你幾時見佢唔係戴 tool watch

咁佢有sponsor

其實唔係文青似死𡃁仔，係文青似19 DW … DW 就係死𡃁仔，所以就會咁，以前未有DW 前nomos 無死𡃁仔味

佢啲勞自己買

我反而初初玩錶買運動款多
而家愈大就愈中意斯文錶