諗住睇下觀塘區仲有咩好食豉油雞，
到前兩日見到Instagram有人講「秋意」都係主打豉油雞，就見今日放假特登出去幫襯佢，
睇完menu 揀咗「秋意無骨豉油雞」另外+$5 轉做雞胸
點知返到屋企一打開 真係即刻哭𠹌咗
全部肉碎加無乜皮都算，我明明+$5 轉雞胸，你無啦啦斬舊雞髀條骨比我做乜
仲要話自己主打無骨雞，咁條骨從何來 真係愈諗愈嬲
仲要成兜狗飯咁，當客人係狗定乜？
事後一收到即刻whatsapp間餐廳
收完人錢比錯嘢人，我只係收到一句「唔好意思😣😣」就完
問過朋友佢話佢幫襯過無問題，我係咪應該當自己黑仔？
打呢篇野係希望大家唔好中伏，
呢兜野$70 大家覺得值唔值？
仲要其實我覺得無Openrice / instagram 啲人吹到咁正
以後都係跟返印狗係觀塘搵食算
