點解啲信用卡回贈可以越做越誇張

根據金管局截至 2021 年第一季既數據，該季平均應收帳款總額 (Average Total Receivables，即大概可以理解為平均有幾多錢係透過信用卡做咗消費但係未還錢) 大約有 1,224 億，而當中有 217 億係屬於轉期帳款 (Rollover Amount)，即係係畀緊 24% — 36% 利息既！

咁從銀行大盤睇，如果我每筆交易蝕 2%，只要成功博到一個客人拖欠一年收到 24% 利息，我就可以供養到 12 個乖客咯，條數就係咁計喇。

我諗大家首先要分開「限時優惠」同「全天候優惠」兩種唔同既回贈方法，即係要分清楚著數係屬於長期定係短期，因為背後既目的係好唔同，所以亦唔應該放埋一齊比較。

始絡銀行唔係善堂，平時畀咁多優惠畀大家，就係希望喺真正賺錢既關頭可以大撈一筆，而呢類高價消費就係場景之一喇。假如大家每個星期餐廳簽賬 $500，全年就係$26,000，每筆蝕 2%，只要大家一年買一次包包，用 $26,000，銀行又可以賺番 2% interchange fee 就回晒本喇！