幼童挨跌天線得得B家長賠逾3萬　大律師：如證實誤導可向店方討回

轉自雲海FB

關於尋日網上瘋傳細路喺玩具舖唔小心撞啲大型公仔賠償事件，我哋作為塘邊鶴兩邊講咩都可以無限放大，由於絕大部份嘅討論者都不在現場，亦不是當事人，誰是誰非真係好難判斷！不過，尋晚同朋友討論呢件事嘅時候，我就講咗一個例子，作為我向朋友表達嘅想法，喺呢度我啲同大家分享吓。

首先，若果係古董行業，有古董店刻意擺到啲貨好危險令到顧客容易打爛之後屈賠償嘅黑店確實存在、亦都有古董店若若果有顧客唔小心打爛左，若不是故意，都係唔使客人賠償嘅情況亦都大有人在⋯⋯而我想講個typical嘅情況，例如古董拍賣，喺一兩個禮拜之前，都會租用大型場地進行預展，所有有興趣嘅人士，都可以去到現場觀賞之餘，對某啲古董物件想親身接觸睇清楚，係可以叫職員攞上手交俾潛在顧客攞上自己手觀摩細閱嘅。

萬一萬一萬一，真係顧客好唔小心整爛咗，根據作為專業同有經驗嘅拍賣行，一定會預先買咗保險㗎喇，當然拍賣行向相關人士進行索償係另一回事，但保險公司會就相關投保嘅金額作出合理賠償，顧客可能只係需要陪一個行政費同落入黑名單之類⋯⋯咁關於某間舖頭，莫非展出貨品並沒有買上任何保險？！

當然就算買咗保險，相關保險公司都會視察同衡量到底呢間公司係咪合理地擺放相關物件而並非容易被人觸碰撞跌等等，若果根本連基本嘅保護措施都冇，任由潛在危險存在，咁保險公司當然亦都有權拒絕賠償啦！所以若果從呢個角度去諗一諗，到底一間公司前提係做咗幾多前設呢？我要講嘅係咁多！

當然細路整爛人哋嘢，家長冇盡責任睇住啲細路，都有基本責任嘅！雖然香港已經變成第三世界，可唔可以喺各方面都走向文明社會一啲呢！

我自己都打爛過人哋公司古董，經理性討論之後，用折扣價買下物件，然後把東西帶回家作為我的人生經歷！

都難怪既
人地整爛左你d野仲要再賠野俾人
好難唔破產

啲位有咁迫得咁迫
啲公仔有咁大隻得咁大隻

咁大隻野無任何加固防護，點睇都係極親人大獲好多

個重心可以側埋一邊儘量側埋一邊

小錢又真係大部分都係天才波

個小朋友挨跌舊野係唔小心 所以就算個價標係咩位都冇影響 我話佢標個價既重點係想話間店唔係見佢整跌先臨時作個價出嚟屈佢錢。2億要睇舊野合唔合理先得㗎 呢隻公仔咁大隻幾萬我又唔覺得有幾唔合理

應該係話小額係唔准搵律師

我係順住樓上個回應
我意思係上小額好多時都唔會去搵律師攞法律意見

有咁脆得咁脆
搞到好似玩穿電線/ 過laser sensor 咁

其實欺唔欺詐已經係後續，商家咁不當擺件展品，即係同之前M記地滑整傷人嗰個案差唔多，係要賠錢呀，不過係商家賠畀人。

話唔定係職員賣唔出, 老細又卒數, 俾錢搵個路人撞鳩個細路........

鳩吹無成本

即係個店員唔吹話細路踢跌就應該安全
依加咁就碌柒了

連登仔SC上身, 幾時開班教law

連登仔就黎連耶穌都做埋

其實都好多人都會搵律師
之前做蚊型律師行
好多客都係告/被人告上小額錢債
搵律師行整理文件執靚啲內容
有次同個客吹水問佢打小額點解仲搵律師搞
佢話打贏係為啖氣多過為錢
覺得自己整到一pat屎有機會打輸
所以寧願洗多幾千一萬搵律師搞

其實，點睇，都係個細路仔冇家教，亂咁挨

你唔掂佢，又點會路？

就好似你去睇幅名畫，香港會展嗰啲都未必有嘢做圍欄

然後你走去攞個背脊挨住幅畫，最後你就賴會展當局，做咩唔搵個圍欄阻隔

人哋咪寫住叫你唔好亂掂囉

個老竇仲要上埋電台，依家真係出晒名冇家教

個細仔發呆企係到真係好得意

啱啦，以後冇人行街
零售繼續食屎

利申 已習慣上網買所有野