小弟喺戲院工作，今日開始喺戲院入面可以食嘢，成為我哋一班嘅同事嘅惡夢。
有幾樣嘢想提返大家作為觀眾嘅基本禮儀，對於戲院從業員同其他觀眾都有返啲尊重。
1. 入場之前準備定安心出殯同針卡
我都好明白大家對於政府嘅on9政策好不滿，而係都希望大家無謂難為前線人員，盡量配合返，要掃安心時就掃安心 、要掃針卡就掃針卡 。加上，好多觀眾都會預早好多到場掃定曬安心同針卡先至再等入場。好老實講，如果可以，我哋一定係以做最方便客人嘅做法，但係有時候人太多，我哋無辦法記得在場所有人邊個掃咗，邊個未掃。有時候轉咗第二個同事負責搣飛，變相更加無可能交代到邊個客人唔需要再check安心。
建議大家：現時大部分戲院要完場之後做清潔，最快都可能要開場之前5-10分鐘先可以放人入去。早咗到嘅話，可以留意在場有冇指示牌或者燈牌顯示入得場未，如果到10分鐘都未入得，就可以上前問吓staff入得未，咁就唔使被人check兩次安心出殯同針卡。
另外提一提，盡量唔好同朋友分開曬嚟行，有陣時人多，一大堆人擁上前，根本分唔到邊班friend係一班人，邊班係另一班。建議大家可以：自己keep返自己張飛，一個一個入，咁就最快可以俾你哋入場。
另外仲有，知道大家好想買埋嘢食入場，而係到入場嗰陣時，成手都攞住嘢食，冇手攞張戲飛同電話出嚟。建議大家可以：喺買嘢食嗰陣時問佢攞個膠袋，裝起晒啲嘢食先；或者如果有同行朋友，就一個人負責攞嘢食，一個人負責攞兩部手機掃安心出殯同針卡，同埋攞住戲飛。
2. 唔好帶外來嘢食入場
呢個規矩好似都實行左一段時間，唔知點解好多人都好似唔係太清楚，戲院係唔可以帶出邊買嘅嘢食入去。
在於我哋來講，其實客人帶外來嘢食入去唔影響到我哋，而係根據返規矩，客人的確唔可以帶外來食品入場。
建議大家可以：將外來食品放落袋入面收好，唔好俾同事見到，如果唔係入場嗰陣可能會俾人要求食完佢先可以入場，甚至唔可以入場。
3. 食嘢盡量食得小心啲整潔啲 同埋唔好玩食物
其實呢個都唔係好需要提，因為大多數人都已經識得自己食嘢，係少數人鍾意玩食物，所以先會整污糟啲地方。如果大家保持整潔一啲，咁散場嘅時間就可以縮短，咁之後嗰一場嘅觀眾就可以早啲入場。
4. 離開嗰陣帶走埋自己嘅垃圾
呢個真係最最最最最重要，好老實講，而家嘅戲院散場時間真係幾緊迫，有時加埋彩蛋、片尾，然後等觀眾離開再入去清潔真係好趕。如果大家可以喺離開嘅時候，幫手將手上面嘅垃圾拎出去院外面嘅垃圾桶，就可以幫助清潔姐姐同埋戲院職員節省啲時間。最後，我都想講，好希望大家可以好好享受入戲院睇戲嘅時間，唔好搞到香港人都學到好似大似啲中国人🇨🇳咁撚無禮貌。勿做西客
好人有好報
