邊度學剪頭髮好？

想報course 學剪頭髮

睇你想學嚟自娛定係搵食。

自娛嘅就上YouTube睇教學片，然後搵friend / 買公仔頭自己玩吓。

搵食嘅就睇吓個人係咪對呢行好大興趣，唔大興趣嘅就可以試吓QB house嗰啲，有哂系統同既定技巧由零開始教你，人工又唔差，做吓單剪操熟手勢，如之後想升lv先再考慮出去學其他相關進階嘅嘢。

如本身對呢行好大興趣就直接in 啲較高級嘅salon由junior 開始做起，經驗/見識同單剪比係兩個世界。

巴打做緊呢行？

直接去salon由洗頭做起 學左點對客人 基礎野先好過乜都無經驗就一野學剪頭髮

仲有乜嘢想知？

搵你剪一次要幾錢？
你人工可以去到幾多？

巴打幾多錢一個月？

或者咁問
正正常常，做唔差的髮型師可以幾錢一個月？

我依家freelance，月收入冇參考價值。

所謂正正常常，區域唔同，收入會唔同，比較難講。
或者咁講啦，一般正常正當經營嘅街舖，如技術中等又留到客嘅髮型師，應該兩萬左右。

你係邊度學師？
你覺得呢行最辛苦係咩？

普通屋村舖，由低做起，滿師後再俾舊錢出面上進階嘅堂。
呢行最辛苦係面對每個學習階段嘅樽頸位，有啲人甚至未揸到較剪就已經要放棄。
所以如果對呢行唔係太大興趣就去QB house學單剪算數，傾向罐頭式，師奶都學得識，唔駛面對日新月異嘅chemical嘢。

我色弱，眼睛有好多顏色分唔到，漂染係咪唔洗諗住做到？

會好唔方便，因為冇理由吓吓靠其他人幫你睇。

感謝你的分享

最後想問
如果只專注係剪頭髮，唔做漂染電燙，係咪生存唔到

點會生存唔到，你上QB house個網睇吓，做落人工仲高過一般文職，仲要唔駛湊客。

佢個網寫16500左右，

因為做落去，我都想更進一步，唔想停係2萬左右

因為呢行最賺錢係chemical嘢，你唔識/做唔到就冇計。

明白，感謝

師兄，想問下白紙qb 係咪都會請？

係

想問下佢一般培訓會搞幾耐？
定係邊做邊學咁架？

培訓幾耐睇人而定, 要學識佢套技術先落舖.

http://www.qbhouse.com/hk/zh_tw/recruit/

唔該哂師兄