點解間間物理治療啲方法都咁唔同？

呢排碌ig fb見到啲廣告睇到都r曬頭
去做電療 做運動 針灸我都明 但係啲治療師走去同人做刮痧拔罐 膊頭痛但係又話要鬆臀中肌
如果物理治療係西方實證醫學嘅話 點解會有呢啲咁偽科學嘅療程

個diploma/degree明明係學西方醫學 但係斷症論治又同啲patient講氣血玩放血拔罐

好奇je
發覺係得物理治療咁古怪 未見過其他醫療專業會咁多呢啲花樣
你有幾可見過個骨科醫生/牙醫會同你講氣血同你講另類療法

錢作怪

如果你真係跟evidence 西方果套
7-8成都係講做運動比advice為主
但係
1.7-8成香港人周身痛就係因為唔做運動
你叫人做運動然後齋up
結果就係無人理你加無人睇你

2.你用外國果套就係每個睇半個鐘
然後一個禮拜甚至幾個禮拜先睇一次
係香港租金下根本好難圍本

刮痧拔罐唔係得中國既經絡說，鬼佬都有筋膜學，針/筋膜刀/筋膜杯都係筋膜層面既治療方式，呢啲係有解剖學基礎

中醫有正骨 西方都有整脊

至於你話臀中肌同膊頭…有樣野叫胸腰筋膜係連接呢兩個部位既，人既動力鏈真係好複雜，唔好當人係一個模型咁簡單，只係呢啲知識係香港並唔普及

但如果直接講氣血 咁我會覺得佢係Hea9你

菲比斯都拔罐啦 點會西方無

新派嗰啲治療師下下都話係筋膜問題 跟著就做呢類中西混雜嘅療法 廣告見過啲物理治療師做拔罐玩埋梅花針放血
其實係咪真係咁多筋膜問題 定係佢哋隨口up啲似是而非嘅terms掛羊頭賣狗肉

咁我又冇話西方冇拔罐 我係question緊佢地做呢啲療法嘅時候背後嘅切入點/辨證論治思維
既然sell得自己係evidence based就唔應該用氣血經絡 或者就咁拋筋膜兩個字 用啲懶專業嘅terms混淆大眾

證明好多私家物理治療都係斂財為主
咁唔通啲心臟病patient去睇私家醫生 啲私家醫生會為左sell藥斂財而唔俾healthy lifestyle advice咩
接受唔到呢種行為合理化 尤其係作為醫療專業人士

舊式物理治療係邊到痛整邊到 依家新式係搵你真正導致嗰個位痛嘅源頭

拔罐 都算偽科學咩

但係背後都要有套evidence去support呢啲新式做法先得
想知啲筋膜理論係咪真係valid 始終你睇同為西方醫學嘅ortho/neurologist唔會用筋膜理論去解釋痛症

唔係個手法 係背後嘅理論

邊個

google完又幾能正式

拔罐是一種傳統中醫治療方法，最早記載在戰國時代著作《五十二病方》中。古時拔罐是用作治療用途，以治療外傷居多。醫者利用火燃、真空抽氣等方法，以罐作為操作工具，借助負壓和熱力，將玻璃罐中的空氣排走，使罐吸附於體表，5-10分鐘後拔除罐，因吸力和刺激導致皮膚留下色淡紅、色紫黯的圓形罐印，即瘀血。

在瘀血代謝的過程中，有一種特別酵素「血基質氧化酶-1（HO-1）」，是一種「壓力蛋白質」，透過誘發抗氧化反應，調節發炎反應，可達到保護組織的效果：

增加會抑制發炎反應的物質，例如：IL-10。
減少會促進發炎反應的物質，例如：IL-1b、IL-6、TNF-a。
促進巨噬細胞轉變為非刺激急性發炎 （M1）的種類。
增加組織內的「血管內皮生成因子（VEGF）」、促進粒線體的生成。
「血基質氧化酶-1（HO-1）」負責將血基質分解為膽綠素、一氧化碳、鐵。膽綠素或膽紅素有抗發炎的效果，在糖尿病的動物實驗中，膽紅素有促進傷口修復的效果。一氧化碳有著擴張血管的效果，有助於促進患部的循環，具有抗發炎及止痛的效果。

我覺得刮痧拔罐應該有根據既

係所有醫療人員都係斂財為主
你打工都係為搵錢啦
唔通真係為咗幫人咩
有幾多人會肯蝕錢醫人呀
我講緊係香港個環境下你唔咁做連收支平衡都有問題

而且真係私家醫生都係咁啦老實講
你比1000蚊睇專科醫生
個醫生話冇乜嘢
但要自己做下運動 控制下飲食
2個禮拜後覆診
10分鐘出來
一粒藥都無

有幾多香港人接受到

但而家西方所有都係講緊盡量減少不必要治療比advice為主

真心多，有個測試係注射鹽水去發炎位置再觀測痛感既變化去得出發炎既準確位置，原本以為既肌肉痛但大多數其實係肌肉表層既深筋膜痛

肌肉既延伸性超過100%但表層深筋膜延伸性得30%所以拉筋拉既其實係筋膜

感知神經基本都係筋膜層，疼痛麻痺拉扯感都係基於筋膜

同按摩啪骨一樣，中西方都各自有自己理論，用既都一樣係治療師自己對手
拔罐同針都只係工具，做到筋膜治療就得，工具出處並唔重要，佢鍾意既話用筷子都做到

要做真空吸的話 物理治療都有IFT機可以做，不過就麻煩好多

呢類筋膜學說仲係好執著痛症源自於結構/生理組織異常
但係現代醫學已經講緊central sensitization 好多痛反而係冇任何生理異常 講緊更多人體對唔同signal嘅processing嘅問題
呢一種試圖搵出所謂痛症嘅根源嘅療程 阻礙左好多病人live with pain嘅心態

假如筋膜系統有咁大作用 又點解現代西方醫學嘅其他practitioner唔會有呢個觀念？

我對現今下下都話病人係筋膜問題 扮曬evidence based咁拋啲字眼出黎impress病人嘅治療方法好有保留

咁我又冇話要佢哋只求打個和

既然做得醫療專業人士就好應該知道ethics有幾重要 唔應該去為左賺錢而耽誤病人擺脫痛症嘅rehab journey

我批判緊嘅係嗰啲打著實證醫學嘅名銜但係行巫醫路線嘅治療師 將身體毛病歸咎曬落冇辦法證實嘅所謂生理結構上面 啲patient真係會以為自己痛係因為自己身體發炎 盲目咁做啲所謂放鬆 消炎嘅passive treatments而忽視active participation 就算換轉係醫生我都一樣會criticize

有一啲香港嘅物理治療師都係主打exercise/active approach 咪一樣依然係客似雲來

你講到佢哋冇得選擇俾大環境逼到要咁樣做 但係呢啲選擇從來都唔係必然 君子愛財都要取之有道