《家和萬事驚》是一部2019年香港黑色幽默喜劇片，由邱禮濤執導，王志文任動作設計，吳鎮宇、古天樂、袁詠儀、張達明、林雪、吳肇軒、蔡頌思、鄭丹瑞、盧海鵬、雷琛瑜、江美儀、麥長青主演。電影改編自1993年張達明親自創作的舞台劇《亞DUM一家看海的日子》，一個家人與樓宇的故事。
如果用電影角度睇，呢套戲未必高分，因為電影節奏急得黎亂，而且推進劇情既邏輯唔嚴謹，但如果當係荒誕劇睇咁就真係一流。荒誕劇係上世紀40年代既一個流派，主張人生冇意義，做咩都係晒時間，其實同《家和萬事驚》既設定非常吻合，呢一點未必係導演有心推出黎，可能本身張達明套劇已經潛移默化有呢個意思。
睇返屋企個幾個角色：
吳鎮宇本身sell工廈劏房比人住，自己買樓買左個細細地單位，成世人返工淨係為左供層樓又支出都唔比，有咩衝突就去睇個海景，一開幕成家人講自己點慳錢好開心，就係為左層樓，結果人生白費晒，想做既野冇得做，仲可悲過做咩都冇用。
再睇返鄰居同配角：
基本上都係一盤散沙，各自有各自既問題，而好現實咁，有問題亦唔會去解決。
一般電影橋段入邊，出現問題就會帶出解決方案，如果解決方案正確，就會為之後下一場帶buff，如果選擇錯誤，就會出現debuff，點解話呢套戲唔似電影係因為佢不停loop同一個問題，好似林雪條線又好，黃秋生條線，一個代表你既鄰舍點都係溝通唔到，只會係爭執入邊無限loop，另一個雖然係扮演既solution角色，但亦正正係代表香港公務員，即係問題仍然係會射黎射去，建構左一個雖然養好多人但仍然係冇作為既政府。呢套戲如果係2023年可能已經唔比人。
衝突線：
主要係古天樂個條，因為佢住既天台屋set左大型廣告牌block左吳家海景，呢條算係好傳統咁用「三步式」去演繹，人物入場介紹，人物黑暗面，人物軟弱面，最後落得悲慘結局。坦白講牙吉係呢套戲入邊係為左令吳鎮宇一家入魔而設，牙宇為左對付呢個天台客用盡方法，最後直頭CＱ左線。係電影角度未必會覺得佢做既野有充分理由令劇情走向不歸路，但都係退返去當荒誕劇睇，咁佢個角色就好立體。當然用超讀方式去睇，導演直頭係用套戲去diu 柒而家廣告放到周撚到都係。
現代電影較用荒誕劇方式去處理作品，就算係cult片都少用，一黎觀眾未必受，二黎票房難交代，三黎好難搵星做。外國有套荒誕劇經典《等待戈多》，2個角色設定係身份接近平等但又互相小打小罵浪費人生去等D一世唔會黎既野，亦唔會同你講人生有咩意義，其實睇返套戲香港人既終極思想係買樓上樓，或者唔講個買字，只係搵個地方住都咁難，個荒謬係已經遠遠大過當年法國班存在主義撚討論人生係咪已經冇意義。
netflix個演算法從來都推唔到呢類比我
都係，不過呢套放上大銀幕睇個觀感未必好，始終都幾舞台劇思維，琴日匿係屋企用電腦moon睇反而岩岩好