英國《太陽報》爆料,指曼聯周四(12日)操練期間,有2位「資深球星」發生衝突,導致操練被逼提早結束,令今季陷入低谷嘅紅魔鬼雪上加霜。
曼聯上周末英超以0比4慘敗畀白禮頓之後,看守領隊蘭歷克畀球員放假4日休息,點知復操後,球星們並冇好好反省,更加有2人喺操練時發生衝突,需要隊友及職員拉開佢哋,氣氛非常火爆,令在場人士目瞪口呆。
由於當時操練已經接近尾聲,蘭歷克干脆提早結束訓練,要求球員返回更衣室。
雖然消息並冇公開涉事球員姓名,但網民認為稱得上「資深球星」,不外乎C朗、卡雲尼、保羅普巴、桑馬達、尼曼查馬迪、迪基亞等人,其中部份球員將於今季結束後離隊,會唔會趁機發洩不滿,就不得而知。當發生那件事情後,麥佳亞的更衣櫃多了一根鐵棍,相信他是用來防身吧。
曼聯今季只剩下1場英超,將於5月22日晚作客水晶宮,以球隊近期低迷表現,加上今次爆發內訌,恐怕贏波機會唔樂觀。