短評16間深水埗餐廳

琦興 - 抵食，大份，質素好，最記得有一次做完運動好肚餓，入到去叫個炒飯，驚唔夠飽叫多飯，見到隔離枱有碟牛河好大碟，到我個炒飯上枱同座山冇分別，第一次食唔晒。晚市小菜唔差。

第一郡 - 足料，有一個叫蔬菜燉牛腩（好似星期日先有），第一次食嗰陣哇咗聲，啲肉燉得好好，配菜好入味，本身有麵包，我再加多咗個麵包食埋啲汁。

上乘餃子 - 我覺得好食過甜記，好似執咗了

泰基隆 - 算係出咗名但質素冇轉太差嘅餐廳

番茄師兄 - 啱啱出名嗰陣幾好食，而家湯底好似淡咗少少。牛脷幾好食，記住淨係食出名果幾個餐，其他嗰啲依家好難食。以前會嗌豬扒麵加炒蛋。嗰時食塊豬扒又大又厚，煎得好好，有colour 有 flavor ，但而家塊扒薄過紙，同埋整得好hea ，以為烚。

蘇媽 - 正常

素年 - 素餐廳來講幾好食，唔係食素都食得

喇沙專門店 - 一開始係個老嘢開，呢幾年變咗個後生仔，質素無變，我唔知其他餐廳有冇良心，我好肯定呢間有，我每次經過深水埗都會食。

閨家 - 出咗名但質素還好，但舖頭好明顯唔夠人手，等落單10分鐘，等上菜至少半個鐘。

基隆茶餐廳 - 正常

文記 - 唔識食車仔麵，不予置評

黃金冰室 - 正常

加藤屋 - 唔使我多講，價廉物美

時代- 越做越差

深深甜品 - 正常

添福小食 - 平價漢堡包，質素對得住價錢有突



IPoint Opitcal - 服務好質素好，有專業視光師，價錢四位數走唔甩

善心打破0回覆

文記不了
食完頸渴到

琦興同黃金冰室都話正常
睇嚟巴打都係劣食專家

喇沙高汁

老細仲高汁

利申：一號打手

喇沙專門店

喇沙店老闆好靚仔

想問係唔係轉過手
只係個阿伯嚟

一開始

係呀

喇沙專門店
大件夾好食，店主仲好靚仔

真係

全港來講真係冇咩選擇

第一郡真心高汁
包 撈檬 湯粉 全部都正

蘇媽好垃圾

無食過任你點？

第一郡個蟹餅同湯底不得了
有冇人試過西九龍中心間蘭州牛肉麵？

睇完個post淨係想知喇沙店老闆好唔好食

搵日睇下先
(不過我印象d野食麻麻地)

譚仔十小