有無人覺得香港/英國所謂音樂考級只係考點樣去睇譜，根本完全考唔到聽力同即興

香港有好多人佢地所謂考到8級甚至演奏級，但佢地對音樂的素養同創作力可以話係零
我覺得係因為香港大部分人都係剩係考ABRSM，但係ABRSM一直俾人詬病話剩係train睇譜
反而日本/台灣佢地自己專屬的音樂考級就有考聽力演奏同即興難怪日本或者台灣大部分十幾歲高中生youtuber佢地音樂創作力竟然會咁好

日本Yamaha/台灣山葉音樂考級流程
第一部分：歌曲演奏
第二部分： Sight-Reading
第三部分：即興創作 (最初級已經要求識1-4-5-1創作)
第四部分：聽力演奏（比較注重創作成分，唔同ABRSM的Aural剩係答問題)

是但啦 好多細路學音樂都係為左升學 唔係真係鍾意音樂 對佢地黎講級數只係工具

文化沙漠一切都係為功利

AI 屌打

香港人最鍾意左抄右抄
創作都廢事啦

沙紙的確係俾人升學或者揾食用

你對自己有要求有心玩既
成日練一定知自己咩料
點會唔知自己有咩不足要靠考試先知

不敢苟同
有班人認知停留係五線譜考試書上面
做左井底之蛙都唔知
因為老一輩sir miss 淨係教你classic 野
以外既野都未必知原來有呢樣

你睇李元玲
叫佢夾band作曲solo

同意，浪費我時間

明明貝多芬，李斯特，莫扎特都係作曲同即興高手。唔明點解流傳到今時今日ge classical 教學可以令大部份人完全學唔到，根本就係比古代更落後

只有香港係咁啫
人地台灣山葉/日本Yamaha的考級係注重即興創作同聽力，唔同我地香港
李元玲佢就係因為以為歐美野等於好，所以佢走左去考ABRSM，唔去考佢地自己台灣的山葉考級

李元玲唔係馬來人咩

原來佢係馬來人咁唔怪得佢考ABRSM

push

結他考ROCKSCHOOL咪一樣齊哂下面4樣，考試從來只係俾你有系統咁去練習。
香港從來最大問題係將"詞"放在"曲"之上，所以香港有班後生作詞其實好勁，但去到作曲就好少(除左天才級)，係因為從來香港冇點重視過"曲"。

真
咁中意睇詞不如去念詩
唔係話詞唔重要
但聽歌唔係應該音樂行先咩

鳩up一段嚟踩一個考試制度，做乜？音樂嘅野邊有一個考試cover晒所有野架？

況且一個音樂產業，淨係需要作曲家？無一班好勁睇譜彈嘅人，點演繹你偉大作品呀作曲家？

考試只係一個單位嘅量度標準… 有試可以考完大大聲話自己有音樂修養，有創意架咩？咁叻駛乜考試？ 年年考第一，做埋特首好未？同修養有關咩？

而家香港個問題係掉返轉丫嘛唔係無人識睇譜演繹偉大ge 作品，係缺乏有系統ge 即興/睇lead sheet 自己演繹ge 訓練

事實上好多人比傳統古典教學耽誤左，傳統老師不斷重重複複只去追求極致，考試就會高分。其他分析樂章編曲harmony theory ge 野可以完全忽略。結果就係跟譜彈得最勁嗰啲先可以生存落黎，其他好多考到8 級/演奏級ge 學生最後都唯有放棄。老老實實，咁練法，連李雲迪都要放棄陰功。。

但係音樂唔應該淨係咁樣，如果無譜都識行路，會有趣好多，唔需要汰弱留強。

香港考琴試ge 人好多喇，年年破記錄，吹捧級數ge 人夠多ga la，唔洗再sell。
掉返轉多啲人踩下個考試就啱架啦，我嫌唔夠多添，如果唔係呢個世界點進步？無呢啲意見，d 盲目考試ge 細路哥又點會諗下？仲比老母迫緊ja

同意要加強推動創意，大家作多啲歌唔好成日掛住表演cover歌。

只係唔太同意關古典音樂訓練或考試事。事實上我覺得佢哋如果勤力日練夜練，好多音樂嘅句子、元素、harmony、rhythm都好易入晒腦，要運用出嚟做創作根本好多材料可發揮，並唔覺會無創意無修養（你睇周杰倫就知），所以到頭來只係取決於你個人對音樂嘅態度！

如果只為考試而學音樂，上雞精班練精學懶，唔理你考傳統音樂試好，Yamaha 又好，Rockshool又好（不少學生考即興都係死練老師作比佢嘅solo,聽力求其中幾個都可以pass)，都係唔會運用到。