(長文)屋企有事,好想搵人傾下..

咪養惦自己先
提醒你唔可以再靠屋企
自己出黎番下工體驗下民間疾苦

學煮嘢食並家務

我知道唔係所有野都適合擺上網講 我諗左好耐先開呢個post
呢個post開係感情台 但唔係關於男女感情 我實在唔知道應該開係咩台..
講返少少背景資料先 我今年19歲仲讀緊書 雙親都係大陸做生意

事情係咁既 屋企人係大陸做生意 一直都唔係好樂觀 本身香港有層樓 雖然唔係話大富大貴 但至少生活無憂 唔太需要係金錢上煩惱

但最近幾年 大陸果邊出左好多問題 經營不善,政策既轉變....好多原因搞到大陸既工廠運作有問題 本身就算大陸生意做得幾差都唔會影響到香港既生活 但係自從有一次按左香港層樓借錢之後 個個月供樓都好大壓力 利息又高 收入又唔穩定 一個月講緊幾皮野利息 屋企人開始應付唔黎 決定要賣左層樓 還哂香港啲債 再租/買細D既單位

我知道自己生活一直都好過好多人 唔係想係到開post講自己幾慘
但真係冇經驗應付呢D轉變 睇住我家姐係到應付屋企既事
(屋企人因為大陸既事行唔開,返唔到香港)
覺得自己好冇用 唔知有咩可以幫到手

而家乜野事都唔洗我煩 但睇住屋企人咁大壓力 我實在唔知道自己可以做啲咩分擔下佢地 我諗唔到現實中可以同咩人講呢件事,有咩人可以比建議我...

心理上真係未準備好應對屋企既轉變
開呢個Post只係想搵下有冇巴打有相同經歷可以分享下 傾下計 比少少方向我 係呢種情況我到底可以做啲咩

我未試過富貴，所以可以俾d草根既建議你

如果你想幫輕屋企而又讀緊書，你可以選擇返pt個d啦，或者補習個d，基本上工要搵就一定有 睇你肯唔肯捱

除左開源之外就係節流啦，食飯個d唔洗諗，實有得平d，仲有就係咩都靠自己，用盡自己辦法都搞唔掂先call help，生性已經係對父母好大既恩惠

加油啦，其實上面都有人講過曬

搵pt做，慢慢學做生意，
你嘅獨立同成熟喺對屋企人最大嘅支持！

自己顧得掂自己 等佢地唔洗為你心煩 已經幫到佢地好多

要生性、獨立
各位巴打已經講左好多
我覺得你可以關心多啲屋企人
支持佢地 令佢地明白到
就算touch wood 乜都冇晒
都仲有屋企人係身邊

我地男人有d説話好難開口，自己養掂自己，幫手做下家務已經夠

多謝哂

幾萬蚊息？咁幢樓應該過億，執左間野，喺香港一人買間細單位收租好過，過番一般中產生活啦

係呢一刻
做仔最多都係乖乖地坐低聽下2老有咩講
同佢地講有咩事要幫手出句聲
係能力上做唔到但唔好要佢地擔心就可以

同已經有巴打講了
唔詳細講啦
只想知巴打讀到邊到同成績好唔好
好就找份補習pt 做下啦
生活轉變係人都會經歷
但係男人就的起心肝好好克服佢

生生性性其實都好幫到手架啦!!!
見你其實都幾有屋企心，會擔心屋企既野!!! 真係算好仔

雖然樓上好多人都話有樓都已經好好，
但大屋搬細屋/租屋，個感覺其實都真係好差，好似下下提自己今時唔同往日啦，
如果一開始無錢都還好!!!
明白你架，咩都好，你19，未來係你既，繼續加油去改變命運啦

叫屋企人轉型黎做啦

叫屋企人轉型黎做啦

人到中年，唔係話轉就轉架

巴打 同你相同年紀果時有相同既經歷
只可以講有啲野唔係我地決定或者改變到
馬死落地行 俾心機講書 而家失去既野將來先有機會攞返

其實只要還清啲債，生活過得平淡啲有咩所謂
我2老咪一樣打份牛工住公屋養我
一樣過得開心輕鬆
多有多洗少有少洗
最重要係心態

係難接受....近年大陸咁攪，重企得住算好彩，我個uncle曾經都億零身家，最後都要走佬收場.....不過佢古勁惑，係執之前拖左一大堆工人人工.....再囉左一批供應商料，再私下賣埋客人啲貨，最後應該呃左幾百萬走回來香港，只要以後唔返大陸就冇事...........

香港地唔會餓死人，你地都有交稅，搞唔掂綜援都囉住先啦