係咪真係咁難察覺、咁易偷食
道義上我唔應該篤個朋友背脊，但作為一個都比人帽過嘅女性，又覺得佢條女好撚慘
我知佢有玩連登，希望呢個post比佢睇到，警惕吓自己
search一search搵到呢個post，覺得好撚中point
偷食/準備偷食嘅人有咩特徵？
https://lih.kg/1036968
- 分享自 LIHKG 討論區
歸納一吓，然後發現其實入面講嘅個男仔朋友都中咗唔少
1. 無用心記住你嘅野，你去邊搵咩朋友都已經無所謂
2. 少咗好多或者唔再放你上社交媒體
3. 開始唔主動有身體接觸
4. 轉社交媒體/通訊軟件icon，因為好可能係佢同第三者嘅一啲共同回憶或者暗號
5. 對話愈來愈hea，以前好多野要一齊做，而加話自己做都ok，唔使你陪
6. 當佢自己一個出去時你打比佢，佢話轉頭先傾，或者過一陣先打番俾你
7. 問佢愛唔愛你，佢會答得比較敷衍或者猶豫
8. 有啲野你問佢或者試探佢，佢會答得好簡短好求其，然後好快轉話題，甚至唔答
9. 你同佢plan將來嘅時候，佢會覆啲唔覆啲，或者話遲啲先/未知住
入面仲講得好好嘅係，聰明嘅人就算偷食，對住正印都可以好正常，街照出，馬照跑，舞照跳，野照扑，好似我朋友咁
兩邊都討好佢，why not？
最後再抄錄番講吓有咩方法可以少少驗證一吓
1. 睇吓佢instagram forward post嘅建議有咩人，再去dm到睇睇，如果冇咗個對話嘅話，即係佢del咗對話，很大機會係身有屎
2. 去設定 ─ 電池到睇睇佢平日用得最多嘅apps係乜野，如果用得好多，但個apps又del咗，睇怕都奶野
；又或者個apps仲喺手機入面，但撳入去又發現近日冇update嘅使用/對話記錄，即是話：佢有兩個account了！
不過講到尾，戴番個頭盔，都未必個個做哂上面啲野嘅男人都偷食嘅
只係我遇到嘅都是咁。建議大家有懷疑嘅話可以同條仔溝通吓先，但咁樣有個風險，就係可能會打草驚蛇，所以最後，各位姊妹都係你諗你喇，祝大家幸福同偷食嘅人都有報應
你可能係佢嘅「結婚對象」