送貨前送貨員打嚟通知喺樓下執緊貨 將會送上嚟
順便交代返有箱啤酒個盒爛咗但內容物冇事
我覺得冇問題可以照收
另外有盒Zero爛咗佢唔知 拎起時跌爆咗兩罐
當時佢話可以自己賠返10蚊俾我 我照收貨
或者幫我安排下星期再送貨
我又覺得冇理由要佢自己賠俾客
所以就麻煩佢幫我回報下次送嚟
收貨時我唔喺屋企 屋企人收貨
佢點算後發現仲有盒啤酒冇嚟 咁我睇返app見到寫住 「交易已取消，請留意訊息中心有關訂單訊息」
所以就打算等佢處理下先
結果5月1號係收到可樂退款 啤酒未收到
今日仲叫我分享產品評論
於是我去app搵客服 就有以下嘅對話
首先個送貨員完全係hea我
係咪得我戇鳩先同佢將心比己
仲要啱啱先知老母見佢搬得咁辛苦俾咗貼士佢
跟住個app 戇撚鳩
開頭嗰頁叫人輸入名 訂單編號 查詢內容
入到去客服嗰頁 又要再講多次咩事
仲叫我提供返個訂單編號 咁第一頁有乜嘢用？
仲要出返去copy完返去客服嗰頁斷撚咗線 要再嚟過
然後個客服講一句先答一句
佢話跟個送貨員回報指示去處理
其實下一句已經可以話跟進下
係要個客問到篤先話反映
每句加個濕鳩🙇🏻♂️emoji
完全起唔到安撫作用 仲越睇越燥
我唔需要優惠碼同額外賠償
但服務可唔可以做返好少少
真係冇信心再買
