有試過寵物過世嘅巴絲入一入嚟

係咁嘅，我隻兔仔早兩日急病跑左去彩虹橋，
我同父母都好難過，大家都當左佢係屋企人。
咁我就唔想全家日日見到兔兔啲遺物都係到喊，就靜靜地自己拎晒啲籠呀，用具架扔落樓下垃圾站，然後喊飽先返上樓。
今日呀爸晏晝放飯個時返嚟坐左陣，佢見呀媽係房就喊住咁問我，如果養過一隻大家會唔會無咁傷心？
我就話，的確咁樣大家都可以快啲move on到，但係呀妹啱啱先走，大家都唔想好似移情別戀咁，就算心唔係咁諗，大家都要再坐低討論下，再養多一隻，大家到時都一定要再痛多次，因為總有個一日，大家係呢個moment仲有無勇氣去挑戰多一次呢？？
所以最後想問下，大家係寵物過世之後，有無再養過第二隻呢？係咪真係可以減低痛楚？

養過兩隻倉鼠, 第一隻走果時半夜比老豆番工果時執走左, 冇親眼望到佢加上仲有一隻都還好, 第二隻係我自己發現佢走左真係喊死咁滯

我個人就唔會再養(起碼倉鼠), 一諗起佢地就想喊, 諗起佢地得果短短兩年幾命仲要我越黎越大只會越少時間對住寵物就唔想再試

細個養過一隻狗，好快就急病走咗
03就養依家呢隻狗養到依家
Touchwood 佢走咗，我唔會再養狗了，好難再重新錫一隻狗好似錫佢咁，因為當咗佢係屋企人，屋企人係冇得取代㗎。


祝樓主一家好快可以move on，兔仔會喺天堂做個開心小天使㗎～

唔會有另一隻代替到 如果係愛你隻寵物就唔好搵第二隻代替佢
利申 死左三隻狗

樓主好好
思前想後

唔係代替
我只係覺得 佢地走 唔係為左環令你唔開心
透過佢地走 將你對動物既愛傳承落去。咁佢地就走得更有意思
樓主加油

唔係代替
我只係覺得 佢地走 唔係為左環令你唔開心
透過佢地走 將你對動物既愛傳承落去。咁佢地就走得更有意思
樓主加油

同意 比更多愛比其他寵物
我諗寵物都係想主人開心

利申 我細佬21號走左 短時間內唔會養第2隻
第時可能會養

諗起佢地得10幾年壽命就好想喊埋一份
而家養左呢隻半年 已經幻想 如果佢走左唔知點算

之前有隻狗太老，而且冇做結紮，結果有病去左
之後我家姐又有養第隻掉左返黎唔養咁
的確會好啲既，但你心態要正確，唔好當代替品
每隻動物都有自己性格
唔好療完傷就hea養佢
其實你養左就預左佢有一日走先過你
不過咁總好過你走先冇人照顧佢
between我信有緣份總會再見

唔會專登去養，除非係街執到 我相信係緣份黎既

唔會專登去養，除非係街執到 我相信係緣份黎既

same here，幾隻都係無啦啦就會有各種因由要我照

個心好似穿左個窿咁
無時無刻都想喊

養隻狗/貓好過

啱啱親手㩒左制火葬左佢啦，多謝大家關心

大概5年前隻貓死左
養左15年，佢死個時全家都好傷心
我自己覺得隔一年等心情平復再養比較好
依家已經同男朋友一齊養左隻狗狗
但係之前既經歷會令我不自覺諗起隻狗有一日會死就有d sad

個心好似穿左個窿咁
無時無刻都想喊

親手簽紙送佢走,成世人未簽過咁沈重ge名

幾年前第一隻狗狗過左身
喊到連學都翻唔到
個人係完全崩潰 喊左幾個月
後來再有養過隻 即係依家
睇到呢個PO再望下佢地
即刻流左眼淚....
好唔想再有一次呢種分離既心痛
利申 養緊4隻貓狗 姐係未來要心痛死4次

貓貓養左一年
已經確症有絕症 唔知幾時走

貓貓養左一年
已經確症有絕症 唔知幾時走

盡量陪佢玩多d, 係有限嘅時間陪埋佢走最後一程
我隻貓帶番黎養左幾日，明明有跑有跳有食野，有飲水，仲要無限體力由朝玩到黑，食訓玩無限loop
但係有晚就唔食唔玩唔痾屎，剩係飲水痾尿，無曬精力
第日即刻帶佢睇醫生，直頭將貓咪擺埋係醫生度全日照顧，但係第日已經離開左我地
貓咪嘅生命永遠都短暫過人類，所以作為主人/奴才，好應該盡最大努力俾佢係人類世界開心每一日

貓貓養左一年
已經確症有絕症 唔知幾時走

有無打算打針走？？