財經KOL踢爆股壇黑幕被人起底

呢單野令Phemey del 左個辛苦經營的股票tg group，避免被人圍攻，對佢近年積極建立的名聲付諸流水，所以咁興要起ICC底

佢團隊亦軍心不穩，好多本身跟佢搵食的人都唔做了。老狐狸竟然比初生之犢玩鑊金，真是乜面都無

玩細價股一定要同莊家收風，所以來來去去都是果班人

咁呢啲真係堅料內幕喎，值得貨金

周顯究竟咩背景？上網search唔到啲咩
佢炒咁耐細價股，有幾多億身家

摸魚無料到，渾水假假地都係金融背景出身

其實佢街招都俾人貼過，仲有咩輸

咁都得, 出賣公司資料, 日間收銀工, 夜晚收pay床, 真係好快財自
唔知個 管家仔 有冇攞牌, 唔驚比人報串釘牌咩

我估管家仔後面都係同一條水，製造財演內訌其實都係唔錯既宣傳手法啊，條街信邊邊咪搵邊邊派咯，最緊要有人buy

炒股市場係個英雄地，但求結果不問出處。我唔敢話ching有無講錯，但大把撈得掂的都無乜讀書，高學歷如譚朗蔚(CPA 會計師)又係咪炒得掂？其實無乜直接關係

我個人覺得點分高下好簡單，邊個真倉賺得多又敢show 咪有人服。(不過都有老師攞學生/其他人單當自己炒呃人，要配合其言行去判斷)

炒細價股自古以來都有，大時代套戲果陣已經係影射緊，但箇中心法一直不足為外人道，只有少數莊家身邊人先知其中竅門(數花- 睇貨源集中程度)，唔識又沾手的小市民多數損失慘重，被向下炒，大比例供股等惡毒手法所害，血本無歸卻如在夢中，不知自己衰在乜野。

直到大約十年前CCASS必須對公眾公開，人人均可睇到股權異動(轉倉，non ccass轉入)，市場資訊相對透明，周顯就出書教人呢套炒法，而且介紹供合拆配等財技操作，仲有解讀通告，所以佢算係財技派開山祖師

佢早年炒股獲利甚豐，亦得到機會埋富豪身。但他揮金如土，好快洗完，所以有時要幫手‘’推介‘’某些股票揾錢，可謂千金散盡還復來
。此人性格自大，觀照世界的角度跟常人有異，相當奇情

呢幾年細價股市道唔好，佢似乎專心寫作同搞網台，論炒股早已不及後輩。

小弟亦好欣賞其著作，‘‘’密碼’系列係我炒股啟蒙，有些關於上流生活的書亦可當食花生一看

但注意，此人係深藍，經常發表取笑手足的言論，我對於他的政治立場絕不認同，但我尊重其在投資教學方面之貢獻

好多香港莊都收山，大陸莊又隨時出事比人拉，細股市場已不復當年光景，更何況呢斑幫莊家做野的人

Phemey 所謂大鑊就係這事

管家仔大唔大獲就唔知,我淨係知phemey 好似癲狗咁,明明係老千炒起細價股再叫學生接貨咪認左佢一邊收學費另一邊叫接貨兩邊賺

真係贏到，都錢搵錢滾大佢啦，得閒同班散戶玩

佢話唔怕，仲鼓勵人貼多d街招幫佢宣傳，呢個世道唔使考慮咁多隱惡揚善，既然當事人出到聲，即管睇下有冇進一步行動

Phemey可摸耳快啲爆管家仔係邊個，想知