有無人睇中醫醫好濕疹

認真答，過來人+康復左9成(只係1年四季轉天氣會關節位出少少紅，2-3日好)，基本上而家無戒口。

勤做運動(最有用)，用啲好少少既cream保濕(我面用施巴，其他用舒特膚)。食野方面盡可能少食辣野炸野(M記，KFC個啲炸野絕對唔食得，就算我而家食M記薯條都出事會發4-5日，好毒)

我係睇中醫好既，荃灣一個中醫，而家退左休。當時內服中藥同外用中藥膏都有。
中醫醫濕疹係work既，俾啲信心試多幾個，我覺得係人夾人/藥夾人。我呢個中醫介紹其他人又話無幫助，但我又好得番晒。work既中藥/中成藥膏，兩星期內自己就會知。

皮膚病睇中醫 真係有決心先好睇
戒口 早訓 飲藥 城市人好難完全做到

我唔係個到住唔知佢搬左未
不過個時我濕疹，硬皮癬都係睇佢睇好
1年前1次收我千幾蚊，一星期藥

63 打鼓嶺道
利申返：我唔係打手。唔鍾意可以唔去

都唔知點解一班人係咁屌中醫唔得
根本西醫醫皮膚冇中醫咁好
試都唔去試就係到屌

西醫睇一次一千蚊開類固醇俾你爽一個星期，之後仲痛苦

睇過，呃人既，google都搵到黑歷史

手腳濕疹又紅又流水咗一兩年
食西藥一停又爆
最後都係靠食中藥
呢幾年好少以前咁大爆發流水
啲濕疹收左好多
Ching可能要搵個醫師夾岩自己

我老婆生蛇睇佢，食左2星期藥都唔好
我就有啲感冒，順手睇埋，飲完仲衰過街邊涼茶鋪

最後睇左近九龍城街市 7-11隔離間陸建南，睇好左。

你可以話中醫人夾人，所以以上係我個人身體反應。

我都係睇佢 一發就塗佢隻白藥膏 好快好 但會翻發 已經塗左好多年

我諗呢個就係中醫無辦法用科學解釋原因。

西藥食落去10個人至少有6個人係有效既
中醫有可能10個人要10種唔同醫法，唔同藥方。我睇得好唔代表你睇得好，得醫好左既人先知有效，醫唔好就覺得呃人

食益生菌就搞掂晒，普通連鎖店有賣，C字頭個隻

我唔係hater，我只係覺得有d奇怪可能係我見識少啦，我睇過一次、佢d藥全部煲定曬直接拎比我，即係佢開比大部分嘅人都係嗰d藥？個個體質都唔同唔應該咁啦

講多幾隻字得唔得

我反而睇陸建南皮膚野唔好
不過其他野我都係睇陸建南

佢有2款，一隻飲既放落雪櫃
一隻開桶水黎浸
不過你都講得啱，佢開比大部人都係個d藥
不過我冇理。個時真係搞掂左我

Cul…..綠色盒個隻

個個西醫都係開類固醇，睇平睇貴都一樣
最多開啲抗生素for防止細菌感染
類固醇搽唔好就上口服、Protopic、Staquis

中醫醫得好嘅都係溝類固醇俾你食
我食到免疫力過差，搞到蜂窩性組織炎，永久留印

中醫如果食半年以上先好得返嘅，都係冇藥效嘅心理安慰劑，天氣一早變晒+自然好返，你唔使睇都會康復

其實濕疹係咪自身免疫力問題，係無得醫？因為識幾個朋友都係點醫都唔斷尾，最多穩定，一到潮濕天又係復發，定係要去乾燥地方生活？

https://www.baby-kingdom.com/forum.php?mod=viewthread&tid=5043122

我都係之後睇到先知，醫唔到，當然唔當呃人，最多唔夾

唔可以咁講，以我為例，我好肯定我濕疹係好左，但會話自己有皮膚敏感，呢個係無得醫既。敏感會受天氣轉變，緊張情緒，食錯野影響。濕疹既人一定識分2樣野既分別，係差好遠，個發作徵狀係差好遠，敏感出1-3日自己會謝，單純小範圍紅左同痕。濕疹會結塊，變厚，出水，會不斷同位置翻發。

所以係要睇多幾個，唔好咁快心淡。2星期至一個月內就知有無用，無用就next

戒口係中醫最戇居嘅做法之一，根本完全唔理解亦唔理會因由，總之就大包圍叫你乜都唔好食唔好飲，俾佢博中一樣你咪當佢係神醫，唔中嘅就一定係你唔聽話冇乖乖地戒口

要長睇起碼3星期至一個月先見到功效

Cls 遲早爆到你成身都係

遠志中醫 李廣冀
800一個星期7劑藥