我係咪唔適合揸電單車

今日上完強制A堂，懷疑緊人生
起步停車上落波都冇咩問題，但一轉彎就係咁失平衡跌車，呢個都預咗。
但我連行條直線都行唔到，要比油先唔會撩黎撩去。
有冇師兄可以教我點樣可以易啲平衡到架車，定係我都係揸返46算

唔比油又點平衡 好正常喎
比油要識定住 夾住油缸 唔好望地下就ok

得閒踩多啲單車

轉彎就望遠啲
你要平衡到就要有咁上下速度
越慢越易失平衡，要慢車又唔失平衡，我相信唔係好多個有牌嘅都做得到

放鬆上身，雙腳夾好車身(油箱)
建立良好姿勢
轉彎對眼要望，你望邊架車就去邊
慢速轉右，身體可以傾左，重心反方向容易平衡
油門控制好，架車失去動力更加容易跌

唔好氣餒，多練習
每個新手都係咁開始
加油！

有速度就有平衡
緊記夾住個油缸同眼望遠啲。

要比油先唔會撩黎撩去

你自己講左重點，俾油有速度先會平衡到
你初學以為俾少少油上到20km好快，其實仲好慢，試下keep住個速度，慢慢習慣俾住少少油咁去，好快習慣。

就算10年牌老手要揸10km平衡都好難架，單車都要用力踩先平衡到啦，你諗下慢速嘅單車易揸啲定踩順左嘅單車易踩啲。

但都係唔鼓勵人考26牌的，因為冇位泊車

太多人跟風學 10個人學到考到可能得5個
有一半會中途放棄

要慢車你唔吊極力士咪撩黎撩去

放鬆啲.直路都跌即係太慢…過彎要有速度.望遠啲.

加油你得!
我考左3次強制就放棄左

香港考真係晒錢晒時間，補得堂黎貴過學46

個轆要有力轉先會平衡到, 單輪二輪都係咁, 基本物理

比多啲油得唔得
部車咁重，你比咁少油點樣唔撩來撩去
26從來都係快車易，慢車難

慢車平衡咁易

第一堂姐

你踩下單車先喇

驚閪咩 我當初第一堂都懷疑人生

臨考前一個禮拜先上導師堂同練車
跟手琴日一剔pass

26養車平幾倍

強制A堂大多數人都係咁,係要啲時間適應

我考強制果日同路試當日熱身都仲跌緊車，但早幾日都1 take pass了
課多啲金練車就掂
利申真絲打，我得你都得

絲打有冇打8字心得
聽有牌嘅frd講到好難明

我都係打得唔好架，不過都可以講下幾個我會留意嘅位：
1. 係斜路起步嘅時候我成日死火，朋友就教我，一定要敢比油先，上到去停低先，打好哂燈做好擰頭望鏡之後首先放頭brake，尾brake繼續踩實，防止溜後，然後比油，用手腕定油，開始放少少極力子，聽到啲聲唔同咗就開始鬆腳掣，架車開始郁就繼續扣住極力子，等佢真係向上多少少先慢慢鬆哂，成個過程係要練個感覺，聽聲真係好重要。
2. 另外喺打八字時我主要係用定油+腳掣制動嘅方法，一落斜就踩腳掣減速，去到喺底八字轉返上去時要feel下架車，架車準備轉上去嘅時候就要放腳掣，如果唔係就冇力上，同埋 一定要喺轉上去之前就擰頭望返要上去/要落去嘅對角目的地，視線運用係十級重要，尤其我喺沙駕考，啲左右圍欄係好有壓迫感，但要逼自己唔好望，你一驚一覺得唔知夠唔夠位就一定炒/撞欄，望對角就可以幫你控制架車嘅方向同減低心理壓力。
3. 要記得電單車其實好靈活，轉彎時堂軚唔洗扭到咁盡，如果唔係扭得太勁但你架車又好慢其實都好易跌車失平衡，同埋練得多就會敢打快少少，快少少其實會打得順啲，我係練到會有種好似打鞦韆嘅感覺，啲轉彎位係swing過去咁，不過呢樣野都係要練，講係講唔明。
最後最重要其實都係練得多就會做到，加油啊！！！

有冇篇文嘅link