中大尖子分析 高人工職業

https://www.facebook.com/CUHKSecrets/posts/4788055917965152/

而家喺香港要搵到高收入真係唔易。有唔少行業慢慢捱到上經理級，人工都唔錯，但偏偏人去到職業生涯初至中期（20尾－30幾歲）通常經濟壓力最大，呢個歲數多數人嘅人生階段都係新婚或者仔女細個，少不免要洗錢。以下係喺呢個歲數搵到高人工嘅職業。

Tier 1:
1) 醫生
唔需要多講，就算做公立醫院，去到畢業6年後30歲都一定穩袋10萬月薪。讀Medic雖然辛苦，但絕大部分人都畢到業，可以講係由17/18歲入到Medic一刻就下半生無憂。同埋去到30幾歲部份人會考到專科資格，吸金力更上一層樓，最搵錢嘅醫生一星期袋一球以上都得（即係俗稱星球人）。

Tier 1:

2) 牙醫
搵錢能力同醫生差唔多，30歲點都有10萬月薪，又一人生贏家。

3) AO
又係唔需要多講，AO去到30歲分分鐘已經升咗上SAO，計埋其他福利月入15萬。之後再升多一級，拎住D2級人工（頂薪20萬）都係forseeable，有冇得再升就睇個人造化。當然AO不嬲都極難入，得真正嘅精英先入到。不過無論大學讀邊科都有機會，唔會好似Tier 1另外幾個行業咁大學入錯科已經無份。

4) I bank FO
I bank FO其實仲有分唔同級數嘅bank、唔同部門，共通點係人工好大部份係bonus，每年都可以好唔同。但一般嚟講，I bank FO大把人FG已經百萬年薪，甚至更多。不過工時極長，隨時可以每星期多過100個鐘，用生命值硬接，要長做真係唔易。加上而家多數I bank FO都係俾NDS攞晒，香港人好難上到位。而家比起以前更難入，GPA接近4、極smart & presentable、普通話同英文接近native、由year 1 開始有靚intern都係必須，所以我會擺Ibank FO低過醫生、牙醫。

Tier 2:
5) 政府／醫管局professional grade
最常見嘅係engineer, surveyor, architect, 醫管局就係pharmacist & clin psy，當然仲有其他比較少人嘅位，共通點係起薪點Point 25-32不等（底薪5至7萬），可以跳point上到Point 44（底薪11萬），工作穩定，有work life balance。入嘅難度、需要嘅經驗每個post都唔同，但都幾講運氣，我識人25歲就入到某professional grade post、又識人報咗好多年都入唔到。同埋聽聞某啲post有HKU bias。再升一級就maximum Point 49（底薪13.5萬）。呢啲行業嘅共通點係政府人工高過出面一截，所以好多人會爭住入政府。當中嘅代表一定係pharm，同屆學生有人會做到醫管局，起薪5萬幾、頂薪11萬；有人做藥房，唔轉工嘅話成世搵3萬；甚至有人搵唔到工要轉行。芸芸咁多科，我諗得Gbus同HKU LLB嘅同學會有Pharm呢種貧富懸殊之下爭輸嘅心酸，呢種感覺係Medic/Nursing同學永遠都唔會明白。

6) I firm律師
律師呢行貧富懸殊，少數入到I firm嘅精英出路唔錯。如果入到最頂尖嘅US firm，trainee(FG後1年)可以月薪6萬，NQ(FG後3年)已經袋10萬，不過工時當然拍得住I bank FO，同埋headcount好少，如果唔係讀英國G5 law school都幾難入到。US firm之下仲有其他I firm，人工會低啲，trainee 4萬，NQ 7萬，工時會好過US firm少少。HKU LLB or double degree GPA過3.4、個人夠smart,sociable & presentable就有機會入到，CU/City LLB就難啲，絕大部分人都係做local firm。I firm嘅話PQE6-7(FG後9-10年)應該有10萬月薪，不過要上位競爭極大，同埋如果跑唔夠hours未必有得留低，隨時有機會被炒。Local firm律師人工就普遍低好多，出路應該入唔到呢個榜。

7) Big 4會計師
Big 4出名工時長，但如果捱得嘅話，出路都唔錯。如果一路喺Big 4做，做到30歲(大概6-7年)，月入一般都有7萬。Big 4最抵做嘅位係入行難度遠低過上面嘅職業，由於turnover rate好高，Big 4長期請人，一般嚟講三大讀accounting嘅學生唔難入Big4，捱唔捱到咁多年就係另一回事。

Tier 3:
8. EO
EO唔需要多介紹，無論大學讀乜都可以報，隨時30歲已經升咗做EO1，穩袋6萬一個月。之後要上SEO逗頂薪11萬都唔太難。除咗Medic/Dental/GBus之外，EO嘅前途、穩定性、work life balance對其他所有科嘅同學都唔失禮。相對AO，EO容易入好多，但都好多人爭，入到嘅都係叻仔叻女。

9) 教師
隨住教師學位化，教師人工水漲船高。入官校/津校入職人工有Point15(3萬)，通常10-15年後上到Point34(7萬5)，之後多數人都係Point39(9萬)止步。不過邀搵perm位唔係咁易，多數都係contract位，隨時要再搵工。多數人都係做住contract位先，再搵perm位。要入行嘅話，要大學讀BEd或者讀某一科中學有開嘅科補返張PGDE，最好考多次想教嗰科嘅DSE攞5*／5**。

10) 三寶
三寶即係物理治療師、職業治療師、放射技工。呢幾行搵錢能力相比上面Tier1/2嘅行業差好遠，但勝在穩定、冇壓力、有work life balance。三寶人暫時入醫管局或NGO冇難度，起薪Point 14(月入3萬)，通常做5-8年（即係大約30歲）會升到職去到Point 25(5萬)，之後慢慢跳point，多數人生涯最多都係Point 33(7萬)。雖然Poly三寶成日俾人吹奏係神科，但一生頂薪7萬點睇都唔神，只係勝在穩定、輕鬆。題外話，明明三寶都係要讀degree嘅專業人士，但係唔知點解人工同一樣係degree-level allied health嘅pharmacist差咁遠。如果喺NGO做，有機會跟唔足point，人工可能會低過醫管局。隨著越嚟越多院校開班，呢幾個行業都就嚟飽和，尤其係物理治療，要讀真係要趁早。不過對於未入行嘅人嚟講係一個機會，大家DSE有讀理科嘅話可以試吓rejupas東華／開大／明愛嘅三寶課程，收生分數唔算高。對於某啲人嚟講，就算付出多4年時間，轉行去三寶都係值得，呢1、2年入學出到嚟相信都仲會搵到工。整體嚟講，雖然都係tier 3，但整體前途差過EO一截。另外，nursing雖然就咁睇point好過三寶，但晉升慢過三寶一截，所以都唔入榜。

CU6913

今時今日越嚟越難靠知識上位，
穩陣而又搵到錢嘅路越嚟越少。
基本上已經得返醫療行業仲穩陣，
（不過其實都係得醫生、牙醫可以話係搵到錢），
老師、社工搵到啱嘅位都穩陣，
但都有一定競爭。
Ibank、律師已經沒落緊，
位就越嚟越少，競爭就越嚟越大，人工又冇乜增幅，
同埋香港人越嚟越難上位，
不過上到位多可以搵唔少錢。
會計師就出名辛苦，人工又唔係真係好高。
如果唔係特別有能力嘅人，
我一律建議考政府工，
算係#6901講嘅傳統方法，
唔需要冒險，只需要入到。
香港私人市場唔少工嘅人工加幅都唔大，
而公務員喺肺炎之前連續好多年跟通脹加人工，
人工水平慢慢已經超過，甚至已經拋離私人市場。
就算係專業職系，
政府工人工都係拋離私人市場（醫療行業除外），
政府專業職系多數人都會跳到上月入15萬（計埋福利），
私人市場冇幾多個做auditor/solicitor/engineer/surveyor可以月入15萬，
更加唔好講化驗師／科學主任／統計師呢啲冷門專業（或者根本唔算專業）。
其他職系更加係政府工贏晒。
學位職系(e.g. EO, trade officer, language officer, labor officer)唔使讀專業科都入到，
人工普遍可以上到12萬，
普通人唔係讀專科根本極難搵到咁多。
甚至副學位職系(e.g. valuation officer, housing manager, supplies officer)嘅待遇相比私人市場都唔差，
U grad喺私人市場有機會搵多啲，
但政府工穩定、工時合理，
其實都係唔錯嘅選擇。
比較意外嘅係護士、物理治療師呢類應該係醫療專業都係呢一級，
佢哋嘅入行難度、專業程度、責任都應該遠高過其他副學位職系，
唔知點解會出咁低人工俾佢哋。
總之，對於90%嘅人嚟U grad嚟講，
做政府工唔會係差嘅選擇。
淨係人工已經唔錯，
仲未計政府工夠穩定、冇壓力、公時合理。

其實係成個香港都死緊
咩行業都唔會玩得長
政府無錢就

你岩

可唔可以出一篇係講移民 高人工職業

邊到 copy 返嚟？🤔

big4

第一行條link就係原文

冇蒸蒜

咪同香港反過來睇
香港最低賤it狗 code狗 水喉工 國外人工最高
香港最無腦搵錢AO 國外冇得撈 白人邊會掂你支那種管 同埋本身外國公務員人工就唔高