到底俾幾多家用先至叫做適合？

講下背景先
做左兩年野搵35k，未搬出去住嘅時候每月俾4k家用
最近搬咗出去同男朋友住，我負責水電煤飲食日用品洗費每月大約4k，都有keep住俾4k家用屋企
我好慳，每個月都儲到唔少錢嘅，繼續俾家用我都可以負擔到

但諗緊屋企係唔係值得我俾4k ？
細個嘅時候，屋企唔算好窮，但我物質都幾匱乏，中四先有自己嘅手機，每月食飯加零用得600，基本上淨係夠每日食早午餐，要慳住洗
升到大學就冇俾過錢我，所有洗費都係自己返pt搵嘅
但我中四五六想補習嘅時候，每個月都有俾1k我，補兩科
升到大學，有資助我買手提電腦

點解屋企唔窮但咁對我？
因為佢地極度偏心，錫晒阿哥，佢就要乜有乜，每年換電話，間唔中又問佢夠唔夠錢洗etc
但而家阿哥搵得少過我，佢都搬左出去，每個月只係俾2k家用
諗諗下，就心理唔平衡，諗緊之後俾2k 就算

其實你講咁多 都係想講屋企人唔錫你 你好嬲
嬲咪唔好比

我獨生都係咁嘅待遇咋 樓主

你覺得唔值咪唔好俾囉
唔通佢地貼大字報追斬你咩

屋企人細個唔錫你唔代表可以比你用呢個藉口cut家用總結 搬左出去唔想比可以直情唔比

搬出去駛撚畀咩，仲住緊就話當畀租金啫

唔俾好似又過意唔去

得罪講句,可能過幾年你比家用都未必有對象收啦,唔好令自己有機會後悔,能力所及, 比多兩千蚊可以令父母開心啲, 我又覺得無傷大雅

租金幾錢？

咩工 35k

阿哥俾幾多你咪俾幾多囉

同意樓上巴打們講俾家用係睇你自己
家用唔係買野俾錢 冇得講咩價錢先叫適合
唔通個個話你俾4千少叫你加碼你又做咩？
量力而為啦想減就減 想加就加

我都有諗呢樣野 屋企人身體都麻麻 都唔知收得幾多年 自己有能力俾嘅 只係心理唔平衡

做女就係咁！
記燃住！嫁出去之後，你就離開左屋企，理論上，家用都唔應該比！
無理由阿哥比$2000，你比$4000
你應該同返佢哋講，總之阿哥比$2000，我比$1000，佢比$8000，我就比返$4000

咁比少啲囉 反正疫情係最合適既理由

男朋友父幹 唔洗租唔洗供

正解
其實“家用”呢樣野， 旁人好難一概而論。始終旁人不了解你嘅家庭關係，要考慮嘅因素亦都太多。當中包括：每個月搵幾多！一個醫生同一個文員比嘅家用數目一定會有唔同，亦都冇對同錯，亦正如上面話，關係好或者值得比嘅 ，比大半份糧都係值得。唔值得比嘅，一蚊都唔值得。

我認同㗎，好多老竇老母就係咁㗎， 永遠錫晒個仔，之後老咗有乜嘢要幫手就淨係識得搵個女！
所以我好鼓勵啲老公出手干預㗎！仆街結婚嗰陣冇比禮金㗎！俾完禮金之後，仲要俾埋家用！
啲死人廢老就淨係識得情感勒索啲女！
所以呀，而家唔係俾唔俾4000嘅問題，你依家俾家用多過你阿哥比，等於跟住你阿爸阿媽老來要人照顧嗰陣，就係你去幫手，你阿哥乜Q都唔使做！
覺得唔高興，覺得唔公平就一定要出聲！

咁點解要你比4000？ 是咪on9

可能我講得唔清楚
日常開支我地一齊夾 一人4k 左右

又係呢啲垃圾post
成日開埋啲case by case嘅垃圾post
全部本身已經有前設 想社會讚同你做得啱

上到嚟講一半唔講一半
人哋鬼知你呢十幾廿年發生過咩事
自己諗做定唔做啦

點解要夾呢？ 你另一半比埋都唔得？

隨喜