不老傳奇！C朗一夜創三大瘋狂紀錄

曼聯喺周六(16日)晚英超主場以3比2擊敗諾域治，C朗上演帽子戲法，亦係呢位37歲葡萄牙國腳職業生涯第60次「戴帽」，並連續16季入波「20+」，最難得係相隔651日之後，終於再次射入罰球，重現顛峰時期風采。

C朗職業生涯累積60次帽子戲法，比宿敵美斯多5次，其中球會賽事50次「戴帽」，國家隊有10次。呢位射手兩度效力曼聯合共有3次連中三元，前2次係2008年1月對紐卡素，以及上月對熱刺，可見C朗以高齡重返曼聯，反而上演帽子戲法次數仲多過年輕時期效力紅魔鬼。

事實上，C朗長年保持高水平狀態，今季為曼聯各項賽事入21球，連續16季球會賽入波「20+」，其中英超佔15球，成為英超史上首位單季入到15球嘅36歲以上球員，仲有機會再改寫紀錄。
另外，C朗今場以一記精彩罰球為曼聯奠定3比2勝局，亦係佢自2020年7月之後，再次射入罰球，該仗佢協助祖雲達斯大勝拖連奴4比1。

C朗職業生涯累積入58個罰球，追平美斯，但近年入罰球數字銳減，今仗以行動證明自己仲係「罰球專家」。C朗至今12次喺英超射入罰球，排英超史上第3位，第1位係入18球嘅碧咸，第2位係入13球嘅修咸頓中場禾特普斯。

曼聯贏波之後升上第5位，只係落後第4位熱刺3分，爭入前4位參加下屆歐聯仲有希望。

C朗世一

以為其中一樣同床技有關

C朗至今12次喺英超射入罰球，排英超史上第3位，第1位係入18球嘅碧咸，第2位係入13球嘅修咸頓中場禾特普斯

我覺得呢度先癲，C7成日比人笑罰球命中率低，
但佢踢英超應該得7定8個球季？
都只係落後碧咸同禾特包斯兩個罰球王排第3，
其實真係幾勁。

仲要同「罰球神」美斯一樣入咁多球

原來有罰球好耐冇見

37歲去頂級聯賽都入到3球 利害

仲以為係吉村蛇開post，失望

佢2007年開始係曼罰球入勁多 嗰陣真係冇得救 又快又曲墜

係唔知點解去咗皇射唔番落葉球 可能難度太多

其實佢腳力射術就咁射埋去都好有威脅 唔明點解咁執著落葉 成日炒波底

瘋狂紀錄
打完球迷咩事都無

"成為英超史上首位單季入到15球嘅36歲以上球員"

雖然係勁,但比較埋呢d咁多條件既紀錄真係好無謂
條件多多下點都屈到個紀錄俾佢
要比就比最大路既神射手,助攻,罰球之類

我覺得關佢轉打正前操大隻事，另外個波轉左款

好似嗰陣好多人話佢咁射好傷隻腳 同埋好難控制佢飄去邊

唔係射唔返落葉
係落葉波好傷腳
佢今年射返 應該可能見自己都生涯尾聲
隊波又沉到咁 諗住谷埋佢

同埋依家啲波嘅設計已經令到冇得再射好飄嗰啲波 你睇下近幾年其他球員已經好少再射落葉

傻福有死練落葉 所以你見佢射罰球都係咁
不過佢條友基本功又唔學好

以前落葉球好出名㗎行大隻路線之後咩skills都無晒

英超無弱隊

之前有篇reddit文章講，佢對車路士入嗰球罰球係fa cup粒波係用mitre，所以對佢射落葉係會有幫助。
但nike啲英超波冇咁飄，所以就難射好多，依家啲技術講求你想射邊就還原返個軌跡，而唔係等運氣決定你個波飄去邊。

第一球我都入到啦

碧咸咪重癲
重保持佢廿七八歲嘅創嘅紀錄

花迷成日講小花罰球好撚勁又呢樣個樣
原來一樣入58球
以為入多廿幾30倍