分過手復合 係咪永遠有條裂痕？

琴晚想講嘅所有野我都屈晒係個心到，講唔到出黎，但講咗一堆廢話，已經無機會再見

我有過一次機會
但我講多錯多
好想係到講晒想講嘅說話

被分手嘅話，我絕對唔會返轉頭。分手後，唔見面嘅下一秒，我會 del 光所有同佢嘅所有對話，相可以執一執著佢封存，但又唔會 del，因為都以後有機會睇返自己同果陣嘅自己比較下，懷念下果陣嘅「自己」（唔係 ex）

如果被分手，返轉頭求復合嘅話，其實係俾第2次機會佢再一次重重傷害你

有 d 人拋棄另一半，飛人果陣，我唔明點解「想對方挽留自己」。即係好似你要棄養一隻寵物，你想諗住隻寵物叫你唔好拋棄佢？咁結果呢？人咪又係「越叫唔好，就係越要做」~

倒不如搵新目標（新異性）去 cover 同埋將依個傷痛嘅回憶埋葬心裡深處仲好。

答返主題：係，同埋你會怕佢唔知幾時再因為同一樣野再次拋棄你，好似被捉住痛腳嘅感覺，但你又唔捨得放手一樣。

金句

巴打好深感受

我要組織下
我個腦未運轉到

如果解決唔到問題，冇改變到自己以一個新嘅自己去重新面對段關係，冇足夠有效嘅溝通，的確係重蹈覆轍嘅

復合嘅路不嬲都唔容易，放棄嘅成本比復合嘅低，所以先會有咁多人放棄。當然仲有好多外在因素影響先可以令到呢件事成功。

唔係執着嘅問題，係本身導致分手嘅問題未解決

幾年前分過 而家仲一齊緊 但唔知之後會點

唔知點解好多復合都講緊半年到2年先會一齊返，但乜咁耐唔會真係放低得7788咩，仲邊有機會復合

咩原因令你原諒佢

係你嘅點都係你架啦，愛一個人就係就算經歷咗幾耐，幾多野，你都依然咁愛對方

可唔可以問下當初係咩先分手？
我而家都經歷緊 原諒咗但心入面有條刺
同你一樣相關嘅嘢就唔會開心同唔出聲嬲咗

Chur到對方同自己講壓力好大所以要分手，分咗手要兩個星期佢話開心咗因為個人無曬壓力。係唔係chur走咗就唔會一齊返