Boardgame 桌遊討論區（2） 各種桌遊推介！總有一款啱你！歡迎新手老手查詢/推介/交流

多謝ching 要訓覺先聽日再處理

BGA啲人個個都玩飛牌，而且好多人假設你識

簡單講，ABC 3個玩家， 所有牌由新至舊排，A提示C黃色2，喺飛牌規則之下，其實就暗示話咗畀B聽， 佢最舊嗰張牌係黃色1，咁B你就要醒水自己出

誠意推薦呢隻俾有小朋友既巴絲，配合apps玩家合作餵野食俾怪物，學到點混色同手牌管理，過程會unlock新卡充滿挑戰性，同個未夠五歲既仔玩得好開心缺點係長期對住個mon會傷眼，一日玩兩關夠了

好想介紹一副經典的推坑棋俾大家
玩開棋的應該都一定玩過的作品

Catan Island 卡坦島

遊戲流程主要係扮演卡坦島的移民，建設卡坦島
遊戲中會透過不斷擲骰，換取相應的資源，再用資源起路、建築或者買發展卡，再去跑分。

遊戲簡單易學
而最精彩的地方係玩家可以同其他玩家交易資源
呢個亦係遊戲最精彩的部分，基本上唔交易，係好難贏到個遊戲

遊戲不時（經常）會出現口術，獅子開大口，做爛市，交換期貨，含淚交易，結盟，背叛等等的情況，互動非常精彩。再加上擲骰可以平衡實力差異，Even長老都玩得好開心

遊戲的配件都算精美，Colorful，算容易入手，文字要求唔高（只需要睇少少卡）。私心推薦英文版，因為木製的路船屋比較吸睛，中文版係膠
無限budget的建議可考慮3D版一步登頂。


遊戲亦都有不同的主題或expansion進一步提高遊戲的變化深度，有啲都幾有趣

遊戲的重玩性高，每次都會有唔同版圖，順位又會唔同，變相策略就要有相應改變。我到宜家，基本上同班鐵腳玩親，呢副棋都會一定有人要玩，甚至要一日幾場

不過小小缺點
人數限制較大，3-4人先開到game，4人最好玩

遊戲起手比較重要，要指導多啲新手擺起始位置，否則遊戲體驗可以差好遠

而因為遊戲需要不定時制衡，結盟，背叛，變相都有機會變成私片，否則就會容易出現一家獨大。

總結黎講，非常推薦入手，重有重玩，輕有輕玩，必須要試一次的作品

有5-6人擴充。但每個大擴充都係預4人，每個大擴都要再買各自5-6人擴

係，講漏咗，不過比較唔推薦5-6了，玩過唔係果種味道

因為時間會等好耐，而個game本身時間都唔短，玩家之間的制衡會複雜咗好多，用黎推坑同玩就個人覺得唔太適合了

上次新年嗰陣用黎推坑
玩到變咗魚蝦蟹咁
嗌到仆街

Catan係一隻好經典既game
不過始終都係老遊戲 我會覺得佢既機制都有唔同既問題存在
1) 你既資源完全取決於骰運 所以你用嚟貿易既籌碼係無得控制既 有好多時你都係無資源無得貿易要繼續等運到
2) 除左發展卡既分數 枱面邊個贏緊係公開既 呢樣我覺得係卡坦最大最大既問題 領先既玩家好自然地會俾其他玩家杯葛 咁樣會導致遊戲時間大大延長 亦都減少左可以交易既對象
3) 成場遊戲可以決策既地方唔多 除左一開始時擺村莊 其餘時間都係等骰仔 會有唔少時間係實際上無野做到 無意義齋等

Catan既各種機制近幾年都有唔少做得更好既作品 不過無一隻game可以完全取代Catan係真既
如果你鍾意Catan既貿易部份 你可以睇下Sidereal Confluence
如果你鍾意資源收集起野 你可以睇下Concordia
如果你鍾意擲骰仔攞獎勵 你可以睇下Space Base

Lm

同好熟嘅fd玩
永遠俾人針

玩咩

卡坦
實會話”依條賤種遲早會背叛你”之類

轉玩合作game

我覺得擲骰為主軸既games黎講，骰運係卡坦已經唔算重要可能比Space Base多少少，因為SpBa可以dice build去平衡下。不過感覺上玩卡坦分析Placement同發展路向都係重要過骰運好多
杯葛leading player係好多game都會發生，好多game比卡坦更加嚴重，不過因為卡坦trading機制，如果唔想後面俾人卡資源，前面就要諗定點樣靠自己取得，或者預先儲起
策略位話多唔多，話少又唔算少，學生容易自己掌握/發掘到技巧，都算係卡坦一個特色黎

利申：唔算好鍾意，都唔多機會玩卡坦我recognize到佢係一隻好game, 但係以自己平時開game既對象黎講，
我成日都Solo，唔會玩到卡坦（雖然我Houserule左好多games俾自己同自己設計既bot solo, 甚至連codenames都…但卡坦真係無辦法）；
一係就同一班好熟bg既人玩，卡坦已經玩到爛，唔會無啦啦開；
一係教一班無乜接觸過bg既人玩，卡坦教同setup一大輪，又無Azul好靚果種wow factor，又無Splendor噤易setup，又無陣營/party games噤刺激，係外國同台灣可能得，係香港真係唔多搞得掂

但係又咁諗，卡坦島就係咁多元素加埋又唔算難教

當然骰運唔易去handle。但我又覺得其中一個重點就係適當時間去利用貿易去拉番勻等自己有機會贏。
所以領先的比人圍都係理想的情況，唔係單騎領放咁都未必係卡坦的原意。

同埋點樣訂貿易比率都係個遊戲好玩的地方，而且都要少少hand management/決定抽卡定抽資源

Ching介紹的棋當然可能仲好玩，但入門磚入屋棋黎講，卡坦應該係個唔錯的選擇？

有無摺枱介紹?

唸住買張普通野，幾百蚊就有張，體積就細d
定係買蝴蝶枱好? 價錢就貴，ikea norden 都要1800，移動唔方便

想請問旺角槍街嗰間賣board game鋪啲board game係正版定老翻？
今日行過見到 入左去望望
啲價錢見係正版價 但係凝住間野賣老翻

bg澳牛
之前好似有po話佢門口d細game有d係老翻

呢D睇你家居佈置需求喎，你買張蝴蝶枱除左開game仲有冇其他用途先
如果你想買張枱淨係for 玩game，最平最慳位最易拎應該係鋁製摺疊枱？個d連枱腳都可以收埋好似個扁平箱咁
https://www.jhceshop.com/zh/Products/Detail?itemid=4894768103075

不過開枱無摺枱咁方便，空間許可嘅話應該摺枱會好d

黑店嚟 唔好去

好想好似啲鬼佬有張board game枱

亦正亦邪，有時候買棋都要搵佢先易搵到，價錢有啲又平啲

兩樣都有
一心買正就唔去佢到買啦