咁佢就叫我去銅鑼灣拎
呢啲咁貴重既蛋糕我梗係飛的過去拎
咁其實全公司都係得8條友
分咗兩袋拎
拎完去到公司樓下
無啦啦有個電動輪椅佬飛速車埋嚟
撞咗一撞我右手袋蛋糕
仲要佢個扶手勾住個袋條繩
一野就扯斷咗
成袋蛋糕飛咗出去
個輪椅佬一個轉彎加速走人當睇我唔到
我一睇袋蛋糕見全部都跌爛哂
心諗仆街呢度加埋都幾舊水
唔係要我賠掛
索性掉哂入垃圾桶
左手個袋係無事，但得個兩舊唔通拎上公司話老細請8個人分兩舊咩
我直接就係公司樓下食埋個兩舊
又真係幾好食
抵你賣咁貴
之後上到去我就扮無事
點知啱啱老細就返嚟
大大聲話「點呀，啲蛋糕好唔好食呀？」
個個同事r哂頭話「蛋糕？咩蛋糕呀」
我即時一個飛身沖入廁所
宜家係廁所入面好驚，驚到打哂冷震
肥婆同事係出面拍緊門問我啲lady m去咗邊
點搞好？
二百有八件