求救！神人請入！可以點拎番同婆婆whatsapp對話

話說我個WhatsApp之前唔小心deleted 左同婆婆既對話，但婆婆之前走左，好想拎番同佢whatsapp既記錄同對話

試過去iCloud想download 番但因為之後有backup過所以攞唔番之前嘅對話。因為我有婆婆手機所以可以將對話export番出黎

而家我既狀態就係有whatsapp對話既文字檔同媒體檔案，之後有冇人有啲建議有冇方法可以將whatsapp對話同錄音可以喺部手機度隨時睇到

我有試過將錄識opus檔轉去mp3咁，但貪心想隨時聽番，又想順住時間咁

我講到好似一嚿嚿咁，唔知大家明唔明，但真係好想有方法希望大家可以幫一幫我

唔識 幫推

幫你推

推

用Backuptrans擺落電腦

多謝你

講真
你直接由你婆婆部手機backup落黎比較簡單
成set data花少少心機去整理下
你自己果部就iphone, 你婆婆果部係咩機?

用另一部電話錄影婆婆電話

佢都係iphone 啊！其實之前就係佢手機到backup左，我依家就有成個file,但係想睇吓會唔會有方法可以成個對話轉移返去我自己部手機，貪心啲想好似WhatsApp咁睇番

其實我都有睇過呢啲軟件，但係我又見到啲人講話轉移過程中可能會搞到自己部手機hang 機

同埋呢啲軟件其實係唔係可以將啲對話轉移返去我自己本身WhatsApp度？

多謝晒

可以倒落手機度，不過對話嘅「我」係你啊婆

iphone我唔熟
不過既然你有個完整backup
可以睇下類似呢D有冇用
https://www.fonedog.tw/ios-data-recovery/iphone-backup-extractor.html
https://www.imobie.com/support/top-best-iphone-backup-extractor.htm
溫提: 唔好用個backup原檔玩, 先copy多個出黎, 再玩copy出黎果個

你有冇試過用？

Ohhhh等我睇一睇先

其實我而家係有完整嘅whatsapp備份同埋有我婆婆部手機，最主要係想將呢一樣嘢擺番落去我自己WhatsApp到，有冇啲軟件係可以咁樣recovery

如果閱讀方式不限於 WhatsApp。
咁最簡單方法應該係將對話匯出，然後直接導入 Telegram ，會生成左一份按時序嘅對話記錄。
而且直接跨平台同步。可以連同媒體一齊導入。播放時都可以一次過播放，唔需要一個個播。

轉移過程唔可以拔走條線

樓主保重,我公公大前日都走左,你都好,有whatsapp可以睇番,我只有livephoto可以聽番佢講嘢同睇到佢

幫推

點樣可以導入telegram?我有將份記錄Send去我telegram既account,但係只係一份txt既檔案

我都好明白你！我有時都會禁番live photo去睇佢，就好似佢仲喺我身邊咁

我成功了！！！好勁！我完全唔知Telegram有呢個功能！多謝你呀

燒比你