[勸世]大家做smile/lasik之前,一定要做足功課,唔好信d診所廣告/pr亂講

衰啲講，如果博做免費增進手術，一係衰到近視仲有過百度，最慘係近視得幾十度，但其他原因而令你睇唔清

醫生都係開gel俾我

我左眼做完手術一星期，仲有50度近視，醫生都覺得唔正常

醫生戴眼鏡係令人感覺專業形象

你check左眼角膜夠唔夠厚先啦
利申：做左就快3年 同你一樣度數

知唔知道做完個眼膜薄左幾多

做完，好抵做

Icl最貴但係最好，有可逆轉性，唔好彩有乜後遺症都可以拆返出嚟

我原本都係得300，做完仲有一半，梗係有問題

下次我一定問真少少我究竟仲有幾多散光

我lasik,環境一暗，就會明顯覺得視覺會變咗低清，日頭就好似4k（但有種白濛濛），如果夜晚零晨一坐入小巴，會降為720p，大約係呢種感覺

好似我咁點算？眼藥水照滴，但右眼仲有近視

我右眼做完仲有150度近視，點搞？

想問各位師兄 做完幾耐睇野先睇得清楚？

一日後

我自己都覺得有後遺症 有時訓醒雙眼睇唔清野 好似今日咁
同埋有眩光 例如睇電影字幕 有少少燦開

請問你近視散光本身幾多度？ 係做lasik定smile?

我詳細寫一次我做完lasik既感受 同詳細資訊，俾想做既人，近視散光同我既人參考，因為上網爬咗咁耐文，見詳細會寫自己矯視完既情況唔多

今日暫時做咗後第九日

本身雙眼六百幾近視，二百幾散光 ，選咗養和做

做完果晚右眼已勁清，左眼就矇（睇電腦啲字特別明顯係散）

第二日去驗眼，醫生話近視已全清，剩啲散光，同埋左眼乾，開多支眼藥水俾我

過多幾日，右眼仍然好好，左眼繼續同樣室內冇太陽光時 ，睇野/睇字都係矇，再覆診時，醫生反而話我右眼乾 ，左眼唔乾，然後再開多支眼gel俾我 ，再等三星期後覆診

暫時覺得有既副作用

一訓醒，左眼非常矇，要滴眼藥水過一陣先清返（仍有上面講既問題）

日頭出街時，睇野係有一層白霧，類似手機影相咁，全世界都開咗少少美白美肌果種視覺，而家出街見到好多人皮膚都好好

晚間視力下降，當環境光愈暗，瞳孔放得愈大，睇野既視覺會類似解像度下降既感覺，同埋街燈/燈光，係會俾矯視前更光亮，同埋光暈會比以前大少少，長期需要晚間戶外工作既人，要諗清楚，例如夜晚長期揸車

而家希望左眼過多排會好返啲，我都唔想再補做一次


做之前記住問清楚醫生，自己晚間瞳孔究竟有幾大，我自己就6.2mm-6.3mm,一般超過7mm就盡量唔好做，因為副作用會較大，另外需要矯正既度數愈高，副作用都愈大

希望俾到想做既人參考

三百幾 主要係散光嚴重同弱視 做smile
我自己認為做唔做真係好個人 冇話點為之好 主要應該考慮自己因素多
例如我做既原因係唔鐘意戴眼鏡 影響顏值 戴con貴 懶
唔做亦都有好處 保留一定既近視係對將來老花睇近野冇咁難
點都要取捨 我就選擇接受小小後遺症 換取90%方便
不過咁 人係會有老花 到左40歲都會開始需要靠老花鏡睇近野 所以真正享受到矯視帶黎既方便大約係廿年左右 同時 人眼係會退化 你唔做唔代表雙眼可以永無眼疾 白內障人老左點都會有
利申 讀過眼鏡

好多Sales成日上黎搵人做

我都懷疑自己有弱視
我左眼有輕微內斜視
上一副眼鏡配左幾個月,好快發覺左眼又矇返

而家啱啱lasik完,發覺左眼又係矇
其實會唔會有機會係因為我左眼內斜視,所以有弱視,令到大腦忽略 左眼既影像?令到我左眼其實點都係會矇?

做成點呀

做完幾日，睇嘢仲係有啲矇
好似有啲近視咁
但一般大字體嗰啲係清楚
(原本我近視+散光係絕對睇唔到)

術後嗰日覆診左
醫生話要等傷口消腫嗰啲
滴多一個禮拜類固醇抗生素就可以停

做完第一日有一邊眼有啲異物感
兩隻眼都有些微眼乾
其他做過SMILE既朋友都同我講
要1個星期，甚至1個月先正常番

所以縱使有啲啲擔心都係繼續滴眼藥水保濕喇

補多句
術前醫生已經講過個夜間視力會有影響
因為黑白灰嗰啲contrast會有影響
夜晚唔開燈真係比以前多左地方睇唔到
以前應該見到啲物品輪廓，依家係全黑
覺得有啲神奇
(其實開番燈咪得囉)