原來對方出軌，真係會痛到令人想死

人人嘅經歷都唔同

佢一句鍾意新鮮感，咁就所有嘢冇晒，可以點？

邊個唔想試下出軌？老實講，我都一早諗過，比佢早更多。但係我一諗到對方有幾難受，再唔係自私啲諗下會點影響自己價值觀，我就做唔出，因為我好想同佢行落去

其實出軌冇咩好講，忍到新鮮感嘅咪可以行落去，又或者有咩問題當面傾掂佢。一句到尾，有冇心想同對方一齊嘅啫

所以調返轉
佢出軌完全都係無理過你感受
你都唔需要為呢啲人再投放更多時間同情感
更加唔值得為一個唔愛你既人斷送一生

我都唔想再浪費任何時間同情感
我唔係為佢，我好想自私啲為自己一次

其實你寫就係為左自己唔好再去諗一啲「無可能既事」所以去死
但你件「無可能既事」就係「想佢返嚟」
你件事本質就係為左條女
你包裝成為「為左自己」係想合理化呢個行為

就係呢種感覺令我更加難受

同人發洩完、將注意力放喺其他地方到，的確有用。但一去返一個人嘅時候，啲痛苦又湧上嚟，不斷淪迴

我唔係為咗唔去諗佢，係因為我真係承受唔到精神同肉體上嘅痛

樓主，你有冇諗過你所謂對佢好，好鍾意佢，好愛佢，但對佢做嘅一切所謂愛佢嘅事，係咪就係佢想要嘅嘢？

你諗下其實你自己有幾了解佢？佢出軌，貪新鮮感，其實哩個係佢本質。你要執著強求去改佢，其實算唔算係愛？而家嘅佢未玩夠，其實都可以話你哋timing唔啱。

佢唔愛你唔代表你唔夠好，係你同佢追求嘅嘢唔同，你要嘅係穩定，佢要嘅係刺激。認真，你為咗一個對愛嘅理念同你唔同嘅人去死，點對得住另一個響世上等緊你，真係值得你去愛嘅人呢？

試下放低執著，當哩個係人生經歷，好唔好？唔洗真係去死，你當佢死咗又好點都好，知道哩關好難挨，但加油。

好明你諗法
我都試過咁諗
唔係為左對方而死
係想為自己而死
一諗到仲要生存咁耐就好絕望

試下唔好諗咁長遠
每日都諗住為咗聽日而生存啦

肉體上都會有？
好老土講句
愛情其實係緣份一場
緣盡就散
但相遇相識相愛過已經好難得
將呢份回憶放係心底
繼續走自己人生路啦

樓主不如試下睇下呢個post
會唔會幫到你調整心態
[出軌]被帽後走唔出陰霾嘅入一入黎
https://lih.kg/2935407
- 分享自 LIHKG 討論區

點解要攞人地既錯誤來罰自己

戇鳩 好簡單你諗一樣野
你成世人流流長你唔係覺得你會成世走唔返出黎嘛？
唔係既話呢一刻你都已經走得返出黎
當然可能因為我理性同有啲冷血啦
對我再無用處既女人 唔需要為佢諗咁多

唔甘心嘅就報仇
最好嘅報仇就係成為佢高攀唔起嘅人
踐踏返佢轉頭
君子報仇 十年未晚

所以話
牙佳真係走得太前

唔駛客氣
可能我唔輸得既性格，會諗我冇理由俾條八婆摧毀我人生，所以可以快速復元
要加油呀！

好多人另一半出完軌都選擇死忍 原諒佢
扮冇野 逃避現實

但其實人地一早變左
對方點樣傷害自己
嫌自己唔夠人地好 都繼續唔放手

結果佢每次出街自己又會覺得佢去出軌
甚至check佢野發現到d唔想見到既野
咁樣只會一路不停傷害自己

其實同我哋同dse學生講「考完試望返轉頭根本不值一提」一樣
你而家感受唔到 但係當你捱過咗之後你會發現原來之前嘅辛苦真係小事 畀幾個月自己去放縱下

就算唔講溝過條新女 你死之前嗰一刻一定會後悔點解你為啲咁小事去死


所有安慰都係廢話 唯有靠你自己去感受
最後忠告 珍惜下同屋企人嘅時間 如果佢哋愛你嘅話一定會陪你渡過呢個難關

或許我不能完全了解你內心的痛苦，但我也曾置身於無助和絕望之中，明白身處痛苦是怎樣一回事。無論你的是否想放棄自己，也希望你不要將困擾藏在心裡，因鬱結和壓力積存得太多太久，到情緒爆發時可能已超出你所能控制的程度。

你不如停一停，到我們的網站 www.help4suicide.com.hk 。 那裡有一些勵志故事、有趣短片，也有與自殺有關的人與事，你可以隨心看看。您更可以進入網站內的『Chat窿』（星期一至五：下午4時至凌晨1時；星期六、日及公眾假期：晚上８時至凌晨１時），即時與我們的義工在網上交談，或致電我們24小時電話熱線2389-2222，與我們的義工傾訴。

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

沉澱咗半日，感覺好咗少少了

多謝咁多位巴絲打嘅陪伴，點醒咗我

講畀之後有需要嘅人聽
有人伴陪的確會好受啲，試下去揾你嘅家人朋友傾訴，唔好一個人承受。可能你會好似我咁唔係好想當面見人，試下上連登揾人傾訴下

連登有愛再次多謝各位巴絲打

有時候傷心不是因為愛情，領悟這一點對自己的幫助很大