船長晚飯前有收到，將航線稍稍改向南行再西進
點知呢條路線其實係反而更深入咗浮冰地帶
到晚餐後，其他較早出發嘅船發現浮冰冰山情況比預期更嚴重，決定停船過夜，就再send冰山警告比鐵達尼。但係因為當時船上電報服務本身係商業公司提供，如果電報員唔註明係比船長，就會當一般商務電報咁做。而當日船上電報機一度損壞咗，晚餐後船上積壓咗大量電報，令到重要嘅冰山警告冇傳送到船長手上。
到撞冰山前10分鐘，最近嗰隻船再向鐵達尼用無線電警告，但係當時船上電報員同紐芬蘭通訊緊，較大咗功率下聽到嘅聲音又大又雜，就叫咗佢停，結果個電報員就收工瞓覺。撞冰山之後鐵達尼發出大量求救訊息，就因為最近呢隻船個電報員收咗工而冇接收到，佢哋亦都冇察覺到鐵達尼求救嘅訊息彈同燈號。如果當時有發現到求救訊號，其實兩隻船相距20海浬，係可以喺沉船後冇耐趕到
