媽媽懷疑有肺癌

屋企錢銀上鬆動的話可以係私家打住先，再返公院覆診話auntie打完有效，再申請關愛。（好多人都係咁做）

同如果auntie有骨痛，有少少阻礙到正常活動的話，可以探下公院醫生口風開唔開傷殘證明俾佢，再搵醫務社工申請傷殘津貼。每個月一兩千買下營養奶幫補下都好

另外，填關愛基金form一定要你父母諗清楚有咩bank acc，馬會acc，payme同Alipay acc。依家好多時第一年就會review，填漏補交都幾麻煩

做化療前補充好啲營養，儲肥啲auntie。有需要就搵營養師配奶，無胃口就蒸下水蛋食，同小心啲自己同屋企衛生，會比較易中傳染病。同肺癌患者要留意佢吞嚥情況，本身食嘢比較急嘅要叫佢食慢啲，萬一有嘢落到肺又會麻煩有肺炎風險

打免癌針多數side effect係皮膚乾同腸胃問題，公院配藥可以requst拎藥減輕，會平過私家，特別係潤膚膏，我覺得好過私家個啲

同萬一touch wood無好轉，再轉移多啲器官，要同媽咪商量好點治療好。肺癌好易上腦，一上腦就唔精靈，到時你就會好大照顧壓力。要諗定係爸爸全職照顧，定搵院舍，同舒緩科醫生一定會問你DNR意願。但係！科技進步！好多人免疫治療之後都好穩定，好似高血壓長期病咁。只係準備好最壞情況！但唔好放棄希望！加油

PS無標靶食到的話，未必係自身基因突變，叫你阿爸戒煙啦認真

肺癌初期啲病徵好唔明顯，都係咳下咁
好多時發現都係腰或胸痛（骨轉移）
50up無食開煙可以每5,6年照一次LDCT，亞洲女性比較容易會自身基因原因有肺癌

多謝師兄咁寶貴嘅意見，真係俾咗好好嘅資訊。頭先問爸爸去銀行搞d證明文件，已經話等見咗社工先，唔好話戒煙

啲醫務社工大帝嚟，佢哋只會send張list俾你叫你準備你想，我copy and paste都俾到你
希望你遇到個好嘅社工跟你媽咪個case
要take care自己，捉下你爸爸一齊去覆下診，等佢都知驚

5，6年先照一次應該夠由第一期到第四期，但一年一次又好似太多。

希望樓主老母吉人天相

LDCT都有輻射

去郊外行下，食多啲新鮮蔬果，可能仲有用

如果私家醫生叫用果隻免疫治療藥物已經在個資助名單內，名單入面寫住要pdl1大過50。咁係未代表已經大過50，定入政府要再check多次。要用匹博利組單抗

如果響私家Check左超過50應該唔洗再check

真， 可以問下媽媽果邊親戚有冇cancer 病史，另外家庭主婦接觸多油煙都高危少少

我屋企人末期都係用免疫治療醫返不過無資助
好幾年個癌指數都係keep住正常

雖然未必個個人啱用
加油

醫生冇講有冇大過50，係未叫用果隻就係大過50先用到

thanks,希望大家都健健康康

個值愈高，治療效果愈好，個值底都可以用，但通常效果都唔好。

點解我個醫生冇同地講係邊一種。。剩係話肺癌

我諗係佢覺得同你哋解釋無太大意義，係個知字，又趕住睇下一個patient，就skip
但你係可以問的，私家都可以through醫健通睇到啲化驗結果

Auntie無食煙，咁多數都係非小細胞癌，但肺腺癌同大細胞癌係擴散、轉移速度同風險上係有唔同

免癌治療到，你樓上都提到PD-L1，但有啲paper會睇埋CTLA-4，依啲都係免疫檢查點，睇下免疫治療會幾有效，幾高幾低你都有權知。一般PD-L1大過50就比較有效，當然愈高就愈有效。但有paper話無食煙患者就算PD-L1幾高都好，結合化療都會更有效（我估亦都係點解個醫生suggest auntie嘅治療方案係兩者一齊做）。低過50甚至0都會有效，只係係funding角度覺得數據上唔夠有用

至於EGFR同ALK依啲係驅動基因，關標靶藥事。你之前提過醫生話無標靶藥可以食，咁auntie嘅sample應該搵唔到。同免疫治療關係係，有paper話有依啲驅動基因嘅人做PD-L1治療，效果會比較唔好

以上提到嘅所有嘢係auntie做完支氣管鏡或抽針拎咗sample之後醫生都會知

公院睇肺癌嘅cancer index多數係CEA，每個月抽血可以general咁知auntie情況係穩定、好緊，定差咗啲。suppose每次覆診都可以問醫生，因為無咩可能成日做PET scan追蹤情況(同埋PET scan都有盲點，係腦到，如果有頭暈頭痛耳鳴最好做多個MRI睇有無腦轉移)

唔係CT/PET先睇到骨蝕？
肺癆都會蝕？

CT PET唔係萬能
佢可以搵到吸收fdg , 但唔一定係cancer

呢位Ching 好熟
Check 基因好緊要 因為公立醫院未必有 如果大路嘅基因 用針對嘅標靶藥 好過普通化療好好多

睇咗第二個醫生，抽咗組織，但係之前做過電療他話驗唔到有嘢，聽上面ching咁講，我都唔知係未真。唔係就得翻化療，如果冇事走去做都唔知會點

食煙要死全家，okay?

有冇update