DSE考生啟示錄,DSE高分是如何練成的(來緊幾年要考DSE嘅考試請入)

背景:
細佬Econ,Bafs同Maths都有星,DSE完做左就來五年私補,再加上自己最近都學緊其他嘢,慢慢發覺高分學生同低分學生差距並不在於天資,而在於有無用正確嘅態度同方法去學習,等我直入正題,同大家研究下點解啲人會高分,有啲人會低分。

可以睇下上面張圖
以下係我對於上面張圖詳細解析
Perceiving:
當你學一樣嘢嘅時候,你第一時間一定係聽書/睇書,而呢啲係屬於input,而input嘅特點係,你好多時只會有一個brief idea佢係講緊咩,而且呢啲多數都屬於短期記憶,如果你有一排無用佢,你好快就會唔記得。
例如就係你上堂聽書,你聽完之後你會有印象佢係講咩,但如果你唔去認真去做exercise,你好快就會唔記得,因為你input完多數都係屬於short term memory,好快你就會唔記得,而呢班人就係攞U-2果班。

Deciding:
係呢part我會形容為大家口中嘅“抄notes".
你個腦其實係需要output(講/做/寫)先會將short term memory轉做Long term memory,而我認為抄notes嘅價值就係係度,當你係抄嘅時候其實你個腦係process緊啲資訊,變相你都會更加明白你之前input入去嘅嘢講緊咩。但做到去呢度嘅人最多都係3

Acting:
而Acting就係所謂嘅做題目
係做題目期間,其實你係會深化緊你input落去嘅知識,令到你更清楚佢講緊咩。根據研究平均你將你input嘅嘢係一個星期內output返三次出來(好似係,廢事返去查),你個腦就會講呢啲資訊視為重要資訊,之後講佢變做long-term memory
但你做到呢度你都只會攞到4,而決定最後關鍵高分定低分,其實係最後果part.

Feedback:
老實講,呢part其實就係細細個大家都聽嘅『改正』
但老實咁講,有幾多個人真係會認認真真去審視你每一條,每一part做錯左咩嘢,但其實呢part先係關鍵,尤其係有固定答案嘅科。
A同學係做完一份卷之後,佢mark低晒自己錯嘅嘢,認認真真去改,用本簿mark低自己做錯咩,確保自己下次唔好再錯返同樣嘅嘢。
B同學係做完一份卷之後,佢睇完一次自己做錯咩,然後就move on去下一份卷。
我見過好多B同學,而佢地嘅結果係點?頭兩分卷好似有啲進步咁,但最後就考極都係果個分,因為佢會將錯過嘅嘢錯完又錯,但因為佢無mark低,佢永遠進步幅度都係好小。
相反A同學好認真,佢每一條都認真改,下一份卷佢就唔會再錯同樣嘅問題,咁佢就可以專心學佢新錯嘅嘢,多數10份past paper落來,差距就會拉到好明顯。
點解啲人會做B同學?我總結出來有兩個原因
1. 鍾意行動多於學習
總覺得有做卷就=有進步,完全忽視左做卷本身嘅意義,做卷係為左安全感而非進步
2.要面
無錯好多人對住自己都係要面,錯左係死都唔會改,成日賴話自己careless,careless左10幾次都仲話自己careless,而且大部分人望到自己低分都會唔敢面對,唔會繼續努力,呃自己下次自然會進步,恭喜你,基本上你離高分已經好遠

我從事補習多年,最高分果班永遠係最謙虛最肯認錯果班,我見過好多攞星嘅人本身都唔係好聰明,只係夠努力。直接咁講,我上述果幾科,基本上可以出得嘅題目,係過去50年已經出左95%以上,你做得夠past paper,肯去努力檢討,你一定係會有5以上。

補習迷思:
過去10年好多人都會去追逐所謂神技
其實根本就係on9
我好肯定咁同你講
咁多年past paper做完,做好feedback呢部分,你基本上一定會攞到5以上
你咩都唔識去搞咩神技根本上係捨本逐末
去補一堆習不如認認真真去做下exercise好過啦

得返2個星期仲有冇得搞

大佬有無多啲資訊
咩科
咩成績
留一句係度我點幫你=-=

英文得返兩個星期點搞

第一年幫人補習==？
得返兩個星期都係逼佢做past paper逼佢做返feedback果part
如果得返兩個星期仲係要教佢好多新嘢嘅話
其實可以已經可以安息下年再見

兩個星期...
盡力考好今年啦
做多啲pastpaper
英文呢啲長年累月先會進步到嘅嘢
咁急好難會有效果
加油

成日錯同一樣嘢嘅人根本就無心學
佢都無心幫自己你點幫佢

feedback部分都唔係個個啱用，適合啲文科寫慣notes嘅人，而文科好嘅人都常見係數學麻麻

好多理科人都冇心機同你慢慢改正，睇完錯乜學完咪下一份，一樣考得好過其他人

未見過啲淨係理科叻嘅人會寫筆記簿

其實都真
我都係冇寫過筆記咁濟
但呢個係我觀察班成績本身較差佢點樣靠努力考到高分
DSE其課程其實算容易
變相收窄左聰明人同普通人嘅差距
令普通人都有機會考到高分

雖然你講啲嘢係人都知，但係好多人都做唔到，包括我。

kick得最多係最後一步，你講得好中，死要面，懶醒以為自己好叻，自大，老師講嘅嘢完全唔聽，一直叫我整mistake book，我就不以為意。

我一月嗰陣chem已經幾乎穩5，aim就aim5*。每次見到自己錯只會覺得係careless，做坊間mock就賴出面出得特別難。冇反思真正錯咩，例如係concept、背唔熟、唔中key word，etc。導致成日錯同一樣嘢。enantiomer個physical difference我七、八月錯到而家都仲係錯。acid hydrolysis同alkaline hydrolysis都仲未完全掌握，濛濛查查咁。solubility又忽下忽下。覺得少咗呢兩三分冇咩所謂，但其實每次就係掙呢兩三分。

我而家嘅水平同狀態可能同一月嘅自己冇分別，進步極慢。我而家先開始認真反省，真係睇返錯緊咩，錯嘅mc會上網睇解釋務求完全理解錯咩。可惜已經遲咗，而家冇時間再兼顧chem，做到最盡只可以搏一個weak 5*

希望我嘅經歷可以提醒一下後幾年嘅dser
利申2022dser

真
啲學生成日同我講careless
心諗搵少啲藉口啦
有錯就認錯左真係唔羞恥
你一開波就啱曬我失左業好耐
你錯完又錯先柒

算係半個理科人 又係懶得寫筆記
當年feedback嗰部分係
對完卷 諗清楚自己點解會錯
如果concept未清就記低咩topic要再溫
唔小心就再做同一個題型多幾次
因為唔小心得太多其實即係未夠熟
然後睇下自己個presentation同marking有咩分別咁

一定攞到5以上唔係科科啱用囉
中英文操曬pastpaper 寫埋feedback都未必有進步
本身個底打得唔好 出去補習肯定好過自己學

我覺得中英文都係咁溫
只不過你個feedback唔應該係focus係份卷上面
你由中四開始每日睇英文之後抄Vocabulary背完再做下一篇Reading
你去到中六Reading一定好能高分

打出嚟係希望多啲人睇到
呃自己一定冇好結果

Chem小心啲好易aim 5**最後變5唔知係咪之前第一科考好易緊張

中四開始每日用15分鐘睇5頁英文書或者一兩篇英文報紙好過
你呢個方法同啲補習名師鳩抄靚字冇分別
個學生又悶 啲字又用個生硬

中學根本唔洗浪費時間抄notes