香港近年電單車位嚴重不足，係由於近年大量投考電單車搵食，政府免費車位已經嚴重超出負荷，比你揸電單車去到目的地你都唔會有位泊咁濟，都係偷雞泊搏冇比咖啡狗捉。如果你想泊屋邨停車場月租，係唔會有位，因為冇人會退租。
呢度只係講緊香港電單車泊車問題實際情況層面，政府當然完全係無視，點解？ 好簡單，政府近兩年落order喪抄牌，就係因為疫情令政府入不敷出，要回血，都係公開秘密，政府要搵呢d錢，你吹？所以又點會增加26車位打擊自己收入？多人考政府最開心，牌照發，車照抄，明知物理上冇可能同時泊晒香港所有電單車係正常位，so what?睇下邊個唔好彩，好似細個玩爭凳仔遊戲，音樂一停，邊個搶唔到位泊咪食牛肉乾。
將焦點拉返去考車，到底考26要洗幾多錢？
首先26係冇得camp持續進修基金，報強制+筆試要洗3xxx，考到就自由，當然你係必須去學院報，佢地就提供額外既課程要你一炮過比晒，呢度就係大陷阱，亦係惡夢既開始。
學院仆街在，由你比錢個刻，就已經有時效，幾耐？ 係一年，你冇聽錯，係一年，不論你比既係路票定堂費，得個一年，呢個魔鬼細節就係食人血饅頭，如我之前所講，由報個日到一take pass晒需要兩年，佢比既時效係一年，即係點撚樣？ 錢你就比左，到時過期咪任佢魚肉，唔好講話路試，就連強制試未到路票已經過期，即係話你起碼要比兩次路票錢，係起碼。
然後學院會用盡手段去賺盡學員錢，比部廢車你練，等你練唔好補堂，阿sir慣性上堂遲到早走，幾舊水一堂可以幾乎咩都冇點教過。阿sir講既野亦都唔可信，各有一套講法，同一個問題可以眾說紛紜，個導師狗起上黎故意教錯你都唔奇，等你重考再補鐘。
都冇緊要，26技術係靠自己多過靠阿sir，當下既判斷同反應，安全意識係冇得教，識執生都好緊要，基本上你有技術，有意識，比考官見到你果決有勇有謀有自信，唔犯天條，實比你pass。但係要練到咁既地步，上20堂都未必夠，太多突發情況同考車緊張情況下，你要確保自己合格機會高，我相信要同我一樣花大量時間練習，大把人要考幾次先pass，唔代表佢技術好左終於考到，而係只係代表佢考多幾次終於撞岩一次道路暢通比佢順利過骨。太多呢種人，考唔到就賴呢樣個樣，見太多，然後就話張黃紙係考牌官鳩剔，自我安慰一番。真係有技術的話，不論任何情況下，考一百次點都會有九十九次pass，而有好多考生只係靠課金考到得為止，如果比佢地考一百次，可能肥足七十七次。我考個次都遇到好多好險既情況，就係我最唔想見到同從未遇過既情況，但我當機立斷，比考官睇到有果斷既做法，縱然有暇痴，唔完美一樣比你pass。雖然我知自己技術已經遠超學牌，但絕對永遠以安全為最優先考慮，勿係馬路上炫技，冇意思，搵命搏。
扯太遠，講返個洗費，學牌駕照510，考車548，路票510，強制補鐘你當1000，加埋強制個3xxx即係5000左右。
然後就係路試堂費，睇你學院定跟師父，我估最少都起碼預3000-5000左右，穩陣既就8000差不多，呢度夠練幾十個鐘，觀乎咁多人肥佬，可想而知幾十個鐘係完全唔夠。至於學牌出車就真係算吧啦，泊都冇位泊出車黎食牛肉乾咩
小結一下，學26需要花費一萬起步，起碼兩年時間，前提係一take pass，肥一次就三年，因為運輸署岩岩先開返有排排。比起大陸幾百蚊幾日考到個牌絕對係痴撚線，講到呢度我都未講馬路上揸26有幾撚危險，總之，人命有價，莫做26撚。
好多人學
咪撚再開post講26 早幾年出街未試過無骨位
