事源我尋日開左支新既爽膚水，一用就覺得同之前完全唔同，今次係第3支
1. 扭蓋個陣已經覺得樽蓋既磨砂質感唔同
2. 放上手陣味香過之前太多，我有諗過會唔會係上一支放耐左香味散左，但係產品係標榜冇添加香料
3. 比上一支稀，更水狀，而且難啲推開，搽落臉到感覺阻力大好多
4. 搽完後唔滋養，冇保濕既感覺，甚至覺得有層粉咁
依刻我已經好懷疑買到假野，所以即刻對比上一支個包裝，點知真係比我搵到啲野
Shop A = 假野
Shop B = 上一支
B個印字中間有凹入去
A既印字明顯比較多瑕疵同有毛邊，字體粗少少，而且冇B咁銳利清晰
睇完後我突然諗起之前買過既洗面奶好似都怪怪地，好彩我係另一間鋪買多左有得比較
A個支樽口印左B1字樣（冇微距鏡頭未必影得清楚
），B乜都冇
放埋一齊睇發覺連顏色都唔同，B既藍色深色啲，字既灰色都深少少
B既樽底會刮手，縫合位突出黎而且有毛邊
用個陣B成日撳唔到一次份量，會卡住 。洗面奶入面會有細小既顆粒，A係完全冇依啲問題
洗面奶我用左排都冇事，所以當時覺得可能係唔好彩，買到支有少少瑕疵既，但我依家覺得都好大機會係假野
我係件product到留comment，隔左日覆番啲罐頭句，話係平行進口所以會唔同
HKTVmall當啲客係傻？我有係iherb同萬寧都買過依隻潤手霜，明白水貨同行貨包裝唔同好正常，可能有80%相同，顏色同字既排版可能有唔同
但係HKTVmall到買到既係包裝有95%似，唔似既地方都係啲細節位冇左/印刷差左，依啲都係假貨爲左偷工減料/忽略既位，消費者唔細心比較根本就察覺唔到
更重要既係佢地既產地都一樣，根本就唔係從咩各國出口
客觀睇包裝同主觀使用感受都唔同，根本就冇得抵賴
最過份係當我搵番個product page竟然落左架，最後發現要download張收據先搵得番係邊間鋪買
原來比人發現賣假野留左1星comment落架再上番就解決左件事間間鋪都會聲稱自己係100%正貨，我已經係隔2個月先買300野，竟然都可以買到兩次假野（其實我連之前買既係唔係真都冇得考證
）咁我同係大陸淘寶有咩分別？?HKTVmall永不錄用
