琴晚朋友隻貓夜麻麻喘氣，臨時臨急搵寵物急症
搵左十幾間都無位最後去左荔X角道個間
一開始入到去姑娘態度已經差到爆
望一望隻貓就拎左入去俾獸醫診症話係出面等待
過多陣就叫事主入一間房，房間裏面只有一部開擴音嘅電話
聲稱獸醫女士就透過電話，告知事主貓貓照完XRay
可能有心臟病或哮喘等問題，需要留醫二至三天
哮喘藥及心臟藥亦會比隻貓服用，而服用後亦都會有腎衰竭問題，所以都要話聲你知
如冇改善就再等心臟專科醫生得閒先會再幫貓貓Check埋心臟係咪有事
去到呢個位置事主都有致電其他寵物診所想轉介
但其他寵物診所暫時都未有位置 所以就決定俾貓貓留院
以事主所了解，貓貓照X-ray 抽血 住氧氣箱 夜診等
但全程冇見過隻貓貓，冇見過X-Ray圖，亦冇見過聲稱獸醫嘅女士
到付款嘅時候，埋單居然接近$25000-$35000
收據上沒有列明任何費用細項，但需要付款50%費用
前枱計算好費用要求事主事先付款$20000up診金
事主當時都無諗得太多，快啲醫好貓貓就直接付款
但離開現場後再查看Email，亦冇收到任何有關診所診症費用嘅細項
所以致電要求診所要俾返張invoice事主
診所第一次接聽電話時，接聽人係一位男士聲稱係前枱人員
經過大概30秒嘅溝通，得知致電係剛離開的貓貓主人後，該前枱人員話要做手術，請事主三分鐘後再致電
第二次致電診所無人接聽，當第三次事主家姐致電就聽左電話，聽電話亦係剛剛前枱男士
當溝通到致電人係貓貓事主親屬後，該男職員情緒激動，竟然話你隻貓死硬嫁啦，然後直接cut線。
呢個情況事主及親屬立即報警衝去診所
去到嘅時候前枱有一男一女職員
該男職員聲稱自己冇講過呢句說話，並形容自己當時係講人哋隻狗就快死
一開始經過溝通後，該診所人員好快亦同意退款及比返隻貓事主
但大概一小時，警員離開時，有另一位女職員出黎話要求事主簽一份免責聲明，先可以拎走隻貓，亦要簽咗先同你講解免責聲明上條例
事主亦有提出想見吓隻貓，確認係安全先決定簽唔簽免責，但診所人員表示只能夠拍片
等候大概三小時，事主親屬踏入診所時，前台男職員情緒激動表示診所只係可以一個人（但同時有其他寵物主人親屬係兩至三位）
事主親屬亦有反問男職員，點解人地可以我哋唔得
，女職員就大大聲話人哋還人地
去到咁嘅時候雙方都有爭吵
男職員就借機報警，話事主親屬搞事，女職員亦加插話自己人身受到威脅，要求警員再次前來診所
（其實事主都係想攞返隻貓，間診所職員做乜撚嘢啫其實）
之後警員到場，事主想請女職員喺門口講解免責聲明上條例，女職員表示唔會行出診所門口
（診所門口只係行兩步嘅事，意思係唔想比門口嘅親屬一齊聽）
好啦，講解完條例所有都係只保障診所 並冇任何保障事主條例
（例如冇列明退款，曾幫貓貓注射什麼藥物）
事主亦冇見過貓貓一眼，所以唔簽
其實眾所周知，帶唔帶走隻貓同簽唔簽免責聲明係冇任何關係
然後診所職員表示唔簽要直至獸醫完成手術先可以處理事主
等啊等，一小時後，職員話聲稱獸醫女士做完手術，再帶事主去房聽電話同聲稱獸醫女士溝通
溝通期間達成共識會在免責聲明上列明曾注射什麼藥物
最後免責聲明上 除咗註明什麼藥物外 亦註明係事主夾硬要帶隻貓走
最後事主都唔想再拖延時間 就簽咗免責聲明及退款，
簽完後成功退款 亦扣除診金連費用接近$10000
擾擾攘攘咗咁耐，轉左去第二間診所後
獸醫睇張X-Ray，完全唔覺得貓貓有咩問題
然後就再照埋超聲波，都一切安好
亦有比事主睇晒所有嘅照片再形容貓貓情況
獸醫形容有機會係貓貓有哮喘，但都可以接返屋企食藥，問題不太大
因為哮喘始終可能係長期嘅藥物，建議事主搵家庭醫生，如果太擔心嘅話可以再去複診
有都成日爆
