DSE 2022 中國語文科討論區

議論文有咩Tips

記得議論文係要說服人攞分，舉例子果陣一定包古今中外，無4 個都要有其中3個。
要小心唔好比題目誤導，例如最多出現係
「xxxxxxxx, 講下你看法。」 或者
「xxxxxxxx, 套用在現今生活xxx，寫篇文。」
最重要係睇尾二果句，永遠尾二果句先係話你知點樣攞分。而佢題目前面會有果堆字可能會特登將你固定係某d範圍，例如中國傳統、大學生活、現今…之類，令你只係掛住舉中國內or現在既例子。

記住議論文目的係說服人，如果你可以舉個外國/不同時代例子証明唔單止題目本身個範疇適用，而係有更大既公認性，咁你果一個例子比起你舉10 個都係題目寫明比你既範圍有用。 如果古今中外你可以各舉一個例子，等於你所講既野適用於任何時間地域。你夾硬寫都要拉到個相似例子去做個類比。

議論文之所以易攞分係因為你係同多過一個marker講道理，而唔係講感情，如果遇到其中一個無想像力or 情緒冷感既marker，你寫抒情文就仆左一半街。
但缺點就係你舉古今中外既例子必須要比較普及同埋係基於事實/歷史，唔洗要100%準確，但起碼唔可以鳩作地方人名or扭曲歷史。呢方面其實要靠平時睇書睇新聞浸出黎。

你舉得到上面4個例子同題目做個類比，基本上就5，之後就d * 就係睇你文筆接駁能力同詞庫。

中文卷年年難度唔同
個人覺得2021易過2020唔少

睇下hkeaa sample
近兩年說理技巧重要過例子
睇法要廣同深入

論仁論考論君子 連出咗3年
應該skip得

果篇gum長
出多3年都仲得

都幾敢講會繼續出
又易背
唔skip

月下必溫
不過我依家仲搞緊廉頗

大熱

頭幾屆先係真心難
作者都唔識答

聲聲慢

溫乜鬼
溫黎溫去多得個3,4分
最尾唔出就好笑


溫下LS math好過啦

2019最易

駁論要兩個定一個？

師說溫唔溫好

✅

駁論有d麻煩，比立論更加講求技巧同突破思維，同埋視乎題目有幾多資料。因為駁論你要揀某一方立場，反而越多例子越容易出現bug。
普通立論可以同時將題目正反兩面都講出黎，兩面通吃立不敗之地
但駁論好多時會令你只可以揀某一方立場，變相你舉例果陣要小心好多
有d人會話駁論舉一個例子證明題目立場錯誤就夠，但其實前題係題目要比埋論據出黎，先可以用一個例子針對性去打散題目立場。

我自己多數都會舉2-3個短例子去做唔同既功效（視乎題目比幾多資料）：
第一個用簡短例子去幫題目立場立論（如果題目無比論據，例如只係一句「學生不應該拍拖」叫你講睇法）
第二，第三個就用黎反駁題目立場（即自己舉既第一個例子）　一個用黎駁論據，一個用黎駁論證。
所以個操作係首先自己幫題目立論，唔理題目或讀者有咩想法，首先由＂你＂建立個範圍將對方拉入＂你＂期望既方向先，等之後既論點可以睇起上黎可以合理地支持你既立場。仲可以比讀者覺得你正反兩面都真係有了解過有思考過。

當然，如果時間唔夠或有其他考慮，我會揀第二&第三個例子組合成一個去同時駁論據論證。