今次喺Kyrie 6上面畫咗JOJO不滅鑽石嘅變態手控吉良吉影
同佢嘅替身Killer Queen
佢一反傳統反派嘅套路
淨係想避戰做普通人呢下好吸引人
如果唔係得閒想斬下人隻手嚟丁，佢真係黃金單身漢
今次全對鞋畫滿改做佢嘅配色
鞋頭一片過太寡，拍埋鞋身個圖到顯得勁失衡
所以打直畫咗吉良吉影條呔嘅花紋上去
為咗夾返動畫feel，純色位上咗2D style嘅光暗陰影
內側想keep返個細剔表明NIKE身份
所以用佢嘅能力第三爆彈做idea
畫咗用緊能力縮細咗爬緊出嚟嘅佢同招式名
鞋踭同塊魔術貼帶本身有個凸起logo
用剪鉗剪走大部份先，再打磨返平滑
先可以開始畫嘢
對鞋原本係咁樣 :
講啲對JoJo嘅感想
不滅鑽石喺我最鍾意嘅一部
一反星辰十字軍嗰種日漫浩瀚嘅大冒險
大Boss唔係老土嘅大奸大惡要毁滅征服全世界
反而淨係集中喺個小町
吉良吉影係咁想走佬/令主角唔好再追查佢
而且呢部亦係最強調黃金精神嘅一部
比起第一部一喬完美無瑕聖人咁
呢部所有人都有缺憾，就好似現實世界咁
都會貪婪自私、有性格問題
但遇上真正嘅邪惡嗰陣
每個人都會挺身而出
唔同前三部嘅宿命論，帶出唔止係俾選中嘅人先有黃金精神
第一部Opening動畫一喬手指太陽象徵黃金精神
而呢部opening 3都有杜王町所有人一齊指向天空
集合眾人之力將天空染上金黃色
係最貼地嘅黃金精神
無記錯係唯二有指向太陽畫面嘅op
「煌めき導く町 たぎる黄金の“Spirits”それは果てしない絆
光輝引導小鎮，高漲的黃金“精神”，那是不會終結的羈絆
別れの時さえ砕けぬ意思で
用那離別之時仍不滅的意志
交わす勇気が生む讃歌
交錯的勇氣生出的讚歌」
最後期待第七部可以動畫化
俾JoJo系列最有魅力反派大總統出場
同鋼鍊個大總統一樣霸氣+堅守自己嘅信念
吾心吾行澄如明境
Sor for長氣，身邊無乜人睇JoJo平時講完都無人明
——————————————————
如果覺得唔錯嘅話，可以支持下小弟
Follow返個ig : yauyau_jy
http://www.instagram.com/yauyau_jy
不定期會有改鞋嘅post/story
