有冇復合成功例子？

自己同ex一齊4年，因為佢話做唔到自己，咩都就我同覺得活係我期望下，佢唔係唔愛，但佢覺得好大壓力。我等左佢4個月，佢最近po左關於elephant in the room既story，我諗佢係想講一直有問題存在，但一直都冇拎出黎解決

我想問到底有冇成功復合到，仲可以行得好開心既例子？或者巴絲們有冇啲好建議可以比到我，因為我好想同佢一齊行落去

選擇冷靜既情侶都係on9既
依家世界從來唔會有「冷靜」就解決事情
到最後都係要攞出黎傾
至於點傾 點解決
就取決於你地有無心 無心既 講咩都無用

留住佢電話
等廿年之後再搵佢

唔明啲人點解成日想復合，無論咩原因分開都一定有裂痕，就算一齊返都會諗如果我點點點佢又有可能會走。focus返自己到啦，自己嘅人生自己先係主角，其他人都係過場啫

我嘗試過約佢出黎見，佢話做唔到

因為真心愛佢，覺得因為有當初經歷，先成就到而家既我地。所以覺得一齊番，大家檢視完問題之後會過得好好！（不過都係個人睇法）

如果個問題係你太大期望
一路唔改，復合完又盞重蹈覆轍？

見過復合到而結得成婚生埋仔嘅例子
前提要兩個都再搵唔到更夾嘅人

但如果佢搵到冇咁大壓力嘅人，就不會返黎了

辦法得一個 佢唔解決咁就唯有你解決

佢選擇得同你分開即係覺得無你佢會過得更好
佢選擇唔面對解決問題係因為覺得解決你比較方便快捷

咁我諗佢唔會返黎，因為我都做左啲唔應該做既事（唔係偷食）

講到一啲愛都冇

愛你就唔會選擇分開拉

想睇下仲有冇方法補救姐

唔知你另一半同你經歷過啲咩，不過人總要向前看既

冇

攞出嚟傾一定會嘈，又點可以冷靜咁大家慢慢傾，只要各執一詞都唔需要傾得成

我同佢復合過一次，跟住再一齊兩年，但日子耐左大家都好平淡過生活，跟住有一排發現佢冷淡左，就知有個男同事成日撩佢，佢話因為好投契所以唔講，但我其實第一次散都係因為佢唔坦白，到今次一樣又係收埋唔講，我就好唔理性發晦氣講分手，仲提出佢可唔可以轉工，最後佢話都係唔一齊，因為咩都要跟住我個套，我個刻想法係自私，但其實我都係為段感情好，後尾我都補救左一段時間，又寫信又乜咁，佢都係好敷衍咁回應

大家妥協，拎到共識咪得，最重要成段關係得佢為我而改變，但我未改變過

真心講 人唔會無啦啦對你冷淡或者唔愛 係好多野積積埋埋 一次又一次因為1d事感到失望而愛一直會扣分 當你成日都要人為你去改變 遷就你既時候 你有冇諗過去體諒下人 人人都會攰架啦 咁攰左啦 出現左個明佢體諒佢既人 就自不然更加想逃離你啦 你去到後期補救有咩用 因為d分已經扣哂啦

咁我都有問題既，可能我有時太強勢，令到佢有心結唔敢講？不過我覺得真係純朋友黎既，更加要拎出黎講，我自問安全感都唔太高，最重要個男係單身，成日搵佢傾，ig又互share野成日覆story，其實真係好難唔令人亂諗，最後我就唔理智地話走左佢

其實咁講，我真係冇成日要佢改變，佢都話自己心態放錯左，好多野都係迎合我先。係佢冇提出過任何不滿時，我自己真係察覺唔到咁多問題，而好多問題佢都不斷暗雅底扣我分，而我係唔知的

同我講有咩用 你同佢講嘛大膽d啦 將你依段野send比佢睇

講左啦，佢話自己都有責任，然後講完就話大家各自努力啦我知自己錯既位係邊啦 方法都講哂出黎，佢話唔係非黑即白既問題喎