yoho vs 瓏門

基duck徒

707 回覆

204 Like 27 Dislike

敗部繁殖 2022-04-01 17:57:08

西區：專營權移交：2023年8月2日

出年就知, 會唔會$5

撒哈拉沙漠 2022-04-01 18:05:24

其實係真但睇黎得罪好多yoho業主比人瘋狂負皮

樓主要留意番通常個屋苑戶數愈多就愈多人推成班業主自己吹棒番自己屋企

利申: 曾經租過yoho 疫情前朝早既元朗站唔好講坐唔等番2~3班車都唔會上到
同樣地巴士都係唔會有位坐你預左日日企住咁搭車番工
但唔計交通我整體係鍾意yoho既

敗部繁殖 2022-04-01 18:30:48

$20-$30都系錢，來回就$50-$60,大欖減價後應該有6/7成用量。

敗部繁殖 2022-04-01 19:17:06

兆康站都冇位坐啦廢話，屯馬線通車後繁忙時間加咗班次嘅，7：30 到 8：00 最多人嘅時候，第三班一定上到。2分幾一班。如果你要一野上到，你可搭回頭去朗屏站上啦，一分鐘車程。

敗部繁殖 2022-04-01 19:24:50

其實元朗站到朗屏站呢兩個站，你可以當成連體站，一分幾鐘車程，仲快過你搭輕鐵一個站，朗屏站多寫字樓，好多屯門人喺嗰度落車嘅，所以好多位上。我放工都中意朗屏站落㗎，果邊多啲平嘢食，雞煲火鍋泰國越南菜，川菜，烤魚等乜都有。食完咪坐返一個站過嚟囉，月票免費嘅。
如果有人同你講，早上困喺元朗站上唔到車，佢一係就坤你，一係就冇腦

Pirlo021 2022-04-01 19:25:04

有吉車天水圍開

敗部繁殖 2022-04-01 19:32:35

8：00後，如果返尖東/過海嗰啲趕唔到嘅。其實我每次見到月台度門多過十個人，我就坐去朗屏上，一分鐘方便快捷，正如朗屏站啲人，放工會係YOHO 行街一樣，其實你喺元朗站行去朗屏站都係7,8分鐘,有啲似尖東站同尖沙咀站。

A.Griezmann 2022-04-01 19:45:55

Yoho巴士站直上博愛迴旋處，下個站已經大欖荃景圍/美孚

唔好讀我個名 2022-04-01 19:55:07

其實真係瓏門真係冇乜優勝之處…
講搭鐵嘅話雖然話屯門總站有位坐
但講車程元朗吸引太多
唔好睇少個十幾二十分鐘
實際上差好遠
元朗出旺角半個鐘搞掂屯門出要九個字
我就寧願企下都唔想突登早起身貪個坐位

交通嘅話元朗真係方便太多
如果凌晨搭小巴
大把元朗小巴但屯門小巴得好少

敗部繁殖 2022-04-01 20:00:40

其實佢地根本都未搭過，成個post話YOHO巴士上唔到高速,我都唔知佢地噏乜, 佢哋可能唔知，元朗出九龍係唔經博愛迴旋處，有旁路上，放工返YOHO先要經過博愛。
其實搭巴士YOHO真係快到癲，玩幾頁手機，已經到咗西隧口。

玩銀猿 2022-04-01 20:02:21

生活一定講配套
交通：西鐵一定有位坐，巴士去沙田旺角港島機場
商場： V City 連埋屯市錦華華都行大半日，百貨有哂千色AEON 一田 Donki
散心：屯門碼頭、菠蘿山大峽谷, 屯赤海邊

最最最最重要：街市，一落樓新墟街市，又多野買又平。日日食飯買送，計埋計埋差好遠

嫌街市cheap 過馬路去一田 / Donki，想食海鮮去三聖海鮮檔或直接同船家買

龍門完勝

敗部繁殖 2022-04-01 20:22:17

屯門有啲人,淨係一句話元朗大馬路好多人就完結, 其實元朗大馬路教育康寧路呢幾條路先至系元朗嘅精髓，裏面夾雜住行無數米芝蓮食肆，由貴到唔敢入嘅fusion菜，到土耳其菜乜L都有，民生小店，寵物店，金魚鋪, 仲有啲賣古靈精怪爬蟲類呀蜘蛛乜呀，模型鋪，蛋糕店，興趣班呀，瑜珈健身算命拜神拜佛, 電腦電子零件，黑膠唱片hifi耳機膽機，男人最愛嘅五金雜貨呀，建築材料呀，古董古玩，單車滑板，遙控飛機火箭，女士們亦都可以見到有啲古靈精怪時裝店，你咸濕嘅仲可以去叫雞添，正常人需要，明白嘅，唔會笑你，十五分鐘步程就行到。系屯門新墟既五倍大小唔上。星期五六日慢慢行下，真係好撚爽，呢d元朗同天水圍居民嘅真正生活，你同我講生活？
當然如果你要行商場既，都有元朗廣場，千色呢啲啦。
仲有唔好忘記全新界西最大嘅yoho mall，水晶吊燈，雲石地板，拿！問心唔好講大話，chill 唔 L 超chill過你屯門線, 你唔好理我買唔買嘢先，我假日一家大細，行下飲下茶，望住啲咁嘅裝修環境，生活既心情都好撚D啦。

敗部繁殖 2022-04-01 20:35:02

仲有如果你要行超級天橋陣商場陣嘅，元朗站十分鐘就已經搭到去荃灣西喇, 我敢講，住元朗站嘅人，去荃灣西嗰幾個商場，快過90%住荃灣，葵涌嘅人。 Donki 我一定去荃灣西，反正放工經過。我買完嘢上返車返到屋企。你住龍門嗰班都未行到去屯門Donki呀。放假有時我仲會去荃西碼頭釣魚，反正月票唔使錢，十分鐘就到喇。
屯門有一樣嘢真正優勝嘅，去海灘真係近。

敗部繁殖 2022-04-01 20:45:52

仲有唔好以為我哋唔識，屯門新墟街市啲嘢貴到離奇，脆肉鯇元朗合益賣緊45嘅時候佢竟然可以賣55，另外豬肉呀牛肉呀一般都貴十蚊八蚊，菜就唔使講啦，海鮮種類又少。大家站數相同，你睇下天水圍啲人去邊度買嘢就知啦，當然唔會去你搵笨新墟街市啦，你真係當啲師奶係羊股咩？精過你呀！