買樓幾問，各位爸絲

各位爸絲，小弟第一次買樓，有幾個問題請教：

1: 睇啱心水單位，AA話為左表誠意帶支票上去，未落細訂，應該只係俾業主望一望?

2: 如果真係落細訂，業主話未揾律師樓，支票抬頭寫業主?

3: 而家個單位有租客，AA聲稱4月會完租約，但就算我業主攞租約睇左完約期係4月，咁業主可以另簽租約俾下一個，咁個單位就變左連租約要俾50%首期，咁我而家簽臨約落細訂時可以點保障自己?

4: 係自己簽正約俾大訂係一定要本票定間間律師樓唔同?

5: 而家政府隨時強檢加禁足，又或者律師有人中招，到時又咁啱撞正簽正約或正式承交日，簽臨約時可以點保障自己?

最後多謝咁多位巴絲

1. 個個aa做法唔同，睇岩帶票上去都係誠意既行為
2. 比我就唔會，寫對方律師樓穩陣d
3. 簽臨約時應清楚寫明連租約，幾時租約完，幾時成交期交吉比你，所以如果業主簽左，又無啦啦續租比下一位，咁已經違反左臨約
4. 通常都係寫支票比細訂大訂吧
5. 而家好多代理都有張附件要簽，內容大致係講疫情關係（如中招隔離）導致未能如期成交，會延長至完成隔離5個工作天內成交等等條款保障雙方

帶支票望一望意義何在又係啲AA岸鳩定律

1. 意義不大

2. 係, 寫業主名

3. 正常唔連租約係會寫明要交吉, 佢交唔到吉比你又無得驗樓係佢收皮先. 大不了唔成交告鳩佢.

4. 無乜所謂

5. 律師樓有張野叫你簽, 話如果出現你講既情況, 成交日會自動順延.

業主話4月中就會退租，希望做到85按，9按保費貴好多

未必係伏既. 有租約9成唔比睇樓, 自然平啲.

寫明交吉賣，如果租客知佢賣左樓唔肯走，業主會驚到瀨屎

真係唔知會點？我係租客肯定玩嘢啊，不過就算新業主想申請按揭可能都有啲問題？真係唔知佢遊戲係點玩

2. 保障自己，細訂支票唔好寫業主名，更加唔好開空頭支票。如果業主真係俾唔到律師樓名，可以喺支票抬頭中間位置寫「律師」，到佢確定咗律師名再填返個名上去。

利申： 1月尾簽咗臨約，當時業主要求支票寫佢名，但有朋友做AA教落千祈唔好，一陣業主走佬你搵佢唔到搞一大輪就算最後俾你追得返都係得個煩字。

要帶現金

通常我帶一箱現金上去

呢個時候屋企儲落的神沙有著落啦

成交果陣交吉，關咩事？🤔

如果交吉唔到，樓主就發發
首期多了起碼50萬可以買大d個單位

銀行見到臨約寫交吉會照審批按揭

個陣落細訂都無帶票 ，銀行過數

基本上你落左細訂就會周圍搵上會同律師樓

有乜問題直接問律師同律師講，唔駛咁擔心

未執達吏收樓囉 你可以玩得啲乜嘢
你簽咗交吉賣就當交吉㗎啦 有咩影響 話知你業主自住緊定放緊租

成交前會上去睇，無事咪見乜收乜

如果仲有租客，而約寫左交吉係咪代表原業主違約？

同埋銀行係咪唔知本身個單位有無租客？

借個位問下，最近睇中左個單位，業主兩公婆係大陸返唔到黎賣樓，拜托左佢阿媽係香港到賣，但佢地之間之前未整過授權書之類。AA同我講話簽臨約前會要求晒業主整好晒所有授權先（好似要大陸搵律師樓見證再轉比香港律師樓）

想問下呢種case有冇伏？對於買家有冇咩野風險？

你啱, 最麻煩係搵律師. 搵到律師之後就輕鬆好多, 有人幫你跟晒啲野.

聽落伏到仆街