講一D關於去臺灣讀書嘅

個人申請放榜落榜係咪就一定冇機會赴台升學？

今晚應該好多香港同學仔都訓唔着，傳說之中台灣海外聯合招生委員會（以下簡稱聯招會）嘅放榜日就會系今日，可能系下午3點都可能系上午10點，亦都可能唔係今日。聯招會放榜嘅日子系冇定案嘅，甘多年都系放榜個陣自然就放榜，我知道點解，後面會說明。

過往應該冇人甘客觀做赴台升學輔導，學校嘅升學輔導老師、海華、聯招會、台灣嘅大學、留台校友會，各自都有一定嘅立場與目的，小弟躊躇佐兩三年，終於下定決定為大家分析赴台升學、留學台灣嘅實際狀況，將會透過一系列長文與懶人包，協助未來想赴台升學嘅同學仔。

今日要將我想講嘅，就係萬一放榜之日，得出嘅結果唔符合自己心意，應該點做？希望各位有意赴台就讀嘅同學仔都能搵到自己心儀嘅學校。我今日唔會講點樣報名、種類，今日系講放榜應該點做

個人申請放榜一般都系3月尾，得兩個結果，4個志願中或者4個志願一個都唔中。中佐，恭喜你，除非你上年年尾系鳩揀，唔係4個總有一個系你想讀嘅科目；唔中，都唔使慌，唔代表今年去唔到，仲有4個月時間，一起創造奇蹟去台灣讀書，溝台妹。

先講唔中，聯招會官方嘅說法就係會自動進入聯合分發，以公開考試成績例如DSE（以下簡稱DSE，其實CE、AL都可以，不過依家冇人考啦）為錄取標準，大概到DSE放榜之後可以填70個志願，等到7月底（視乎DSE幾時放榜）就可以知道結果。

如果想以DSE成績繼續爭取，當然無所謂，甘就努力考好DSE，始終都系好事。如果唔想以DSE成績去博，其實仲可以考慮單獨招生。單獨招生系咩，我今日唔詳細解釋，之後再講。

呢個時候，登入聯招會單獨招生專區，你會發現好多單獨招生都過佐期，冇錯，系過佐期。唔使擔心，好多學校根本未放上去，起碼中後段嘅學校，未收夠人，等個人申請放榜之後，佢哋就會陸續制定第二階段單獨招生簡章，放出來。一般截止日期系6月至7月，有D學校會好進取，拖到7月中下旬，多數都會6月底就算啦。

但呢度有一個竅門，就係放棄聯合分發資格。第一階段單獨招生會比個人申請早放榜，有同學應該已經透過第一階段單獨招生，獲得學校錄取，攞佐或者等緊攞分發書，系等辦理簽證，過去台灣讀書。第二階段單獨招生放榜日會遲過聯合分發，如果唔放棄聯合分發個資格，報佐單獨招生都唔會被錄取——就算學校肯錄取你都冇用，教育部會將個錄取名額比佐聯招會。如果你以為第二階段單招一定得，唔去填70個志願，甘你就會去佐僑生先修班，讀多一年先修班啦。

放棄聯合分發，要去海華，同佢哋講，我要放棄聯合分發。此時可能會受到一些留難，因為佢唔想你放棄聯合分發，此時一定要堅持，佢哋唔比表格你，就寫電郵去聯招會，提供報名序號、名、身份證，要求放棄，甘樣一定會處理。

因為放棄聯合分發，就冇佐保底嘅僑生先修班，甘報單獨招生，係咪一定錄取架？以下就係重點：
1、每年第二階段大概有40～60所大學會提供報名簡章，呢D大學你都可以報讀，錄取之後9月赴台升學，開始4年大學生活。
2、單獨招生可以報讀好多間，如果你有耐性，全部報曬都可以，我假設你報讀佐40間。
3、呢40間都可能錄取你，或者其中一些唔錄取你。坦白講，呢堆學校多數都冇國立，多數系中下游嘅私立大學，自己要考慮清楚。至於點樣揀學校，又系之後再講。
4、有學校錄取佐你，會問你，係咪接受我哋個offer啊？你接受佐就唔可以揀其他學校啦。
5、重點！！你全部都可以答應，去邊間等你攞到分發書，辦理佐簽證，去到台灣交學費個一刻先作準。（呢個玩法講出來，真係得罪曬台灣D朋友）

基本上呢5點你知道，你就知道點樣做，應該一定搵到學校，9月過去讀書。坊間好多講法，關於單獨招生點樣揀選、錄取。單獨招生其實同個人申請一樣，只不過單獨招生系經聯招會報名，聯招會再比資料各間學校；而單獨招生系直接同學校報名，再交資料去教育部，教育部再比其他部委審核，完佐就同意。單獨招生個設計好難避免學生同時報讀幾間學校，開頭佢哋都唸過辦法去阻止，不過後來都放棄佐。

單獨招生個玩法，就係可以報讀好多學校，多數都唔使錢，只要多報幾間，高中低端全部報曬，甘咪得咯。至於學校個份接受offer表格，系佢哋最後嘅努力，你全部都填去就得啦。戴定個頭盔，過往5～6年，個玩法都係甘，我講佐出來，會唔會改…………我唔知，不過佢都真係好難避免學生甘報，要改成本好高。

單獨招生嘅條件：
A. 報名依據學校安排，直接向學校報名
B. 不需考慮公開考試成績
C. 以校內中四至中六成績
D. 畢業證書或者在學證明（例如學生證，學生手冊）
E. 有校長推薦信錄取率較高
F. 可分兩個梯次，11月～12月，3～7月
G. 學校自行安排放榜、領取分發書

當知道第二階段單獨招生點樣報，其實好多人都可以過去，只要你有中學畢業，就一定報到臺灣嘅大學。我好想強調呢點，不過依家僑生留台唔算好容易，我又研究緊HF169，之後有成果再同大家講。

講佐甘多，講返聯合分發。其實跌佐落聯合分發係咪一定唔好呢，其實唔係，都有好處。聯合分發甘多年最仆街嘅就係好多成績好嘅學生報佐，佔佐D名額，然後唔去，留系香港讀。基本上聯合分發個D台大獸醫，根本唔使唸，入得個D人都入到港大讀醫，但佢哋唔會過去臺灣讀。

聯合分發拼DSE成績，幾乎冇咩講，基本上大家都唔會填70個志願，一般系30幾個，早幾年平均落系第10至16個志願不等。聯合分發冇錄取，就來唔彻改單獨招生，只能進入僑先部，努力一年啦，13分讀到獸醫我都見過。另外，70個志願唔中，好似仲符合一定條件，系可以有好多學校可以揀，包括一D唔錯嘅國立大學。我見過一兩次，不過佢哋最後都冇揀。

僑先部系多一個機會比大家，特別系成績唔算好，又有心改變嘅同學仔。

暫時念到系甘多，總結懶人包如下：
1、個人申請落榜，可以向海華申請放棄聯合分發，改報單獨招生；
2、必須放棄聯合分發，報讀單獨招生先可能成功；
3、單獨招生可以多報幾間，佢哋問你係咪去，一律都答應；
4、最後去邊間，系睇你去到臺灣，向邊間交學費。

有人話，去得國立，就唔好讀私立，學費又貴，又係學店。
我出文唔係教你哋點樣揀學校，我系教你個玩法。
好多人系自己嘅親身經歷，而我系收集佐好多好多人嘅經歷，打算話你知，去臺灣讀書，系咩一回事。

今日講住甘多先，之後再講其他。

講一D關於去臺灣讀書嘅

留學臺灣