1. 揀supervisor
讀得PhD，坦白講就係預左不停出paper (當然，量係遠遠重要過質，呢個一陣再講）。所以搵supervisor時，最好睇下佢近5年出既paper 係點樣，老細教書好同人品好唔係最重要，呢啲同佢研究能力無太大關係。香港始終太多上左岸既full or associate professor，出唔出paper對佢黎講係無咩所謂，跟住啲唔出paper既老細，咁你多數凍過水。
我以前有啲好優秀既同屆喺揀老細時，覺得個老細人品好/教書好跟左佢，無睇清楚佢既research direction/recent publication 就盲鐘鐘報名，結果有啲quit咗，有啲就7年先畢業.. 無一例外。
簡單黎講，如果你覺得自己想有個上心啲既老細，可以考慮啲assistant professor，唔一定要名校出身，但一定有一堆好paper既。因為佢地要博tenure就一定會chur學生，你好大可能會係咁比人捽，12個鐘一日，一星期6日，但讀PhD 就預咗要博殺，如果你想hea住咁過4/5年既話，真係三思而行。
上升期既associate 都好諗得過，理由同上。
至於好大粒既老細，只要佢仲actively publish，都係好好既選擇，只係有心理準備佢會好忙，唔一定有太多時間放喺學生度，但佢對你第時搵postdoc就好有用，因為佢多connection，同埋佢地有個established research topic / method, 出paper會輕鬆啲。
2. 揀field/research direction
先睇下自己既興趣喺邊，例如你想做calculation定wet lab，然後就住黎搵research topic，要留意 相應既工作量/publication ，因為有啲direction既需時好長/工作量好大，但回報一般（即係難出好paper)。咁要恆量下自己興趣，能力同風險管理。
當然，一啲咁好既research topic/direction，市面既競爭都會大，呢樣要睇你老細，因為學術界畫地為圓係一個好大既問題，當你踩左入去人地既領地，佢地會想盡辦法趕你走。所以，做學術界有名氣既人，佢地一定會有一啲獨有既research，喺一個大topic入面，佢地會佔有一個山頭，甚至乎佢地係開山祖師。
簡直黎講，如果你見一個Professor，啲工作同其他大教授極為接近（呢樣野對UG黎講可能好難界定，要自己睇多啲先感受到），而出既paper大部分都係2/3流，咁你要諗真啲先好跟佢，因為佢可能係跟風做，無個人風格/特點，咁樣對你日後發展無優勢。
相反，如果個professor 既research direction 係比較unique 而又出到好paper，咁佢係一個好碼頭，因為可以保證到paper質素 & 無咁易比其他人捷足先登。
3. 香港vs歐美
坦白講，香港學術界(至少而家）係唔一定只請歐美名校畢業既，但你一定要有好多&靚paper，咁樣去搵非三大既教席會容易啲。可以揀既，去美國讀PhD一定係首選，尤其而家開始有唔少學校都唔再視GRE係必要，你有first hon + research experience (最好有份second author既paper)，咁樣會有優勢好多。就算係美國二線尾既大學（+好老細），都係一個好既機會，唔好心頭太高。因為日後投身industry，你有美國PhD，就可以有3年OPT 工作，公司唔需要同你申請工作簽證（H1 or O1) ，咁樣會輕鬆好多。
就算再去做postdoc，美國PhD 你有多啲機會。
歐洲 (德，英，瑞士，瑞典，荷蘭，法，西班牙）有好多好既學校，但畢業後留當地搵工，就應該會難過美國，始終做tech既話，美國一定係首選，無論係就業機會/前景/待遇，歐/澳/加 都係差啲。（個人睇法）
聽日再寫埋其他關於本地入學/在學期間既經驗
利申：香港PhD畢業，美國top school postdoc，做緊tech，享受人生中
想知多D點樣享受緊人生
