勸告各位玩交友app前要三思而行

以下內容可能有啲1999，實在唔好意思，但真係想勸告各位玩交友app前要三思而行。

見到最近有嗰post講緊佢話玩某交友app，小弟都想講返自己經歷。話說我二月中download咗呢個交友app，純粹嗰排好悶所以咁做，同埋都希望可以係app上面識到一個女朋友。ps拍過一次拖，都係呢個app識。

一開始以為呢個係一個美夢發生，點知原來係惡夢。

我係app上識到嗰細我六年嘅女仔，我地發現對方星座係一個絕配嘅組合(小弟其實都幾相信星座，我知都好on9)咁傾咗一陣計之後諗住轉signal傾，點知佢話咁快就交換電話，所以最終用咗telegram傾。

咁轉咗tg傾之後，佢開頭幾日都會好關心我，又叫我着多件衫啊，又話小心身體咁啦。跟住有日同我講話佢想換iphone 13，咁佢就用自己部iphone trade機，但仲差啲。咁我就話等我三月頭出糧嗰陣幫佢比埋嗰啲錢(我知我好撚犯賤)。

佢聽到之後好開心，話好多謝我，咁我因為已經當佢係我女朋友所以就覺得幫佢比埋冇所謂啦。小弟嗰排亦都好鍾意send錄音比佢，佢就用文字咁覆返我。

如是者，我地傾咗半個月，因為過多個幾禮拜之後同佢一齊去apple store換電話，所以就買埋個casetify殼比佢(叫佢send咗佢鍾意嘅款比我之後去買，嗰個殼$5xx到)買咗之後send圖比佢，佢就話好多謝我。

去到換電話嗰日，本來以為可以兩個人拖下手仔咁去行下街啦，點知佢帶咗嗰朋友陪佢嚟，咁我都算數啦。本身同佢講話叫佢帶$500比我，因為我銀行卡得$5100到，入完之後就行去apple store換電話。

唔講換電話過程啦，換完之後佢老母打電話比佢，佢同佢老母講話12:30就返去。嗰陣都差唔多時間啦，佢同我講話之後有野要做所以要走先，走之前買埋嗰個插頭，送佢走嗰陣就摸佢頭，咁男女朋友關係咁樣做冇咩問題啫。佢嗰日對我就同之前傾計嗰陣完全唔同，就好似一個陌生人咁樣。後來問我係咪有做錯咩所以佢先咁啦，佢話冇事。

後來發現原來佢一直當我係水魚咁玩，純粹係想我幫佢比錢換電話，亦都冇當過我係佢男朋友。內心講咗一萬句粗口，大佬我前前後後係佢身上洗咗$6000，點知人地只係當我係水魚咁。真係上咗一個「寶貴」嘅課題。

我係點發現就係因為我繼續係嗰個app都識下朋友，點知比我匹配返佢(佢唔認得嗰個人係我，而我一開始都唔知，係後來佢講啲野先知)佢話我臨走前摸佢嗰頭覺得好嘔心，仲話覺得我把聲好嘔心，好似未發育完成嘅細路，話邊有人咁on9會咁做之類。

所以係到奉勸大家，唔好咁相信交友app啲人。我宜家真係好撚肉赤。

sorry for 1999

條女鐘意你你摸佢波都唔會嘔心

你俾得唔夠多，俾我會送埋ipad

樓豬


玩交友app嘅女仔係咪特別蠢 俾人呃10萬都有
https://lih.kg/2900808
- 分享自 LIHKG 討論區

6k咪賺咗囉
好人好姐冇拿拿對你咁關心

咀都未錫就幫人出部電話，話你戇鳩定純情好
五千蚊買個教訓，然後正正經經叫隻雞啦

咩app

憑自己本事拎返嚟嘅6000

今次又抄邊個鄉土po啊

笑死咩
手都未拖就比左6k
6k出到3q啦

冇。。 是咁的。

呢個無理由係假膠post

老老實實 真係純粹係你純情兼蠢 可能你冇咩經驗？
條女扮老母打嚟都唔出奇 用呢招打發你走

*唔

自己笨撚柒仲公告天下

小弟三十三歲...無拍過拖...本身鐘意打下機同玩單反...而家係X馬時速遞做速­遞員...

我同佢係fd搭fd識..係facebook傾左一個星期...佢同我講好想做我老婆­呀..咁我地就係facebook in a relationship,拍左兩日拖..就出嚟見面...嘻嘻..佢個樣Ok呀.. 佢一見到我..就話好掛住我..同埋送左個白蓮蓉月餅俾我話係中秋節禮物..之後佢同­我去左影貼紙相..影左好多好多....差唔多影左$2000蚊...之後佢問我有乜­中秋節禮物送俾佢..我問佢想要乜..佢話想要iphone 14...但係未出,唯有­同佢出左部iphone13...重買左個小海綿case俾佢..佢好開心呀...之後­去左食日本野..食左$800....

尋晚真係好開心!我覺得佢好純情呀~佢全程都唔敢拖我隻手...佢同我講,中秋節會帶­埋我送俾佢果部iphone出來同我一齊玩自拍....我好開心好期待呀.....原­來拍拖係呢d感覺..真係好sweet....等我重係ps4 game鋪 訂左隻fifa18,諗住中秋果幾日假係屋企收埋打..我尋晚經過間鋪..同個賣家講 :我有拖拍啦..我唔需要你隻game啦..我唔會要的了..之後果個賣家呆左,.嘿­..個死毒男真係呢...我果刻完全feel到佢酸到出汁啦....我訓前打左俾佢.­.不過佢無聽電話...可能訓左..我whatsapp佢,同佢講miss you;) good night...之後佢whatsapp俾我話 : ok thx.....

嘻嘻嘻...雖然尋晚用左成份糧..不過ok la....拍拖緊係咁架啦....下次出嚟問埋佢個名同問佢幾歲先... 祝大家都搵到自己愛的人呀! 加油豬唷 ;)

唔關交友app事
你要比人呃去到邊都會比人呃