有冇人覺得仁醫(日劇)個結局 係Happy Ending?

好耐以前睇過
琴日聽到首歌
之後一次過睇晒2季
以前覺得個Ending 幾sad
但今次睇完有完全唔到嘅領悟
我覺得上天係希望南方仁藉住依個機會 (回到過去)
令到佢改變自己同未婚妻命運(因為未婚妻變成植物人,根本已經冇機會再醒番),
亦可能希望佢對醫生職責有一個重新領悟 (可能比較次要)
所以佢再次番到現代, 以另一個形式同橘未來(當然佢最後換左姓,但都算係同一個人)相遇, 再次為佢做一樣手術, 雖然依個位就完左, 但應該手術成功, 之後結婚 happily ever after
所以覺得係一個perfect happy ending!
我當然唔否定 南方仁 同 橘咲 嘅一段好深嘅感情, 但其實佢地2個從來都冇起埋一齊過 (橘咲拒絕左南方仁), 我承認佢2個都互相鐘意對方, 但感覺上佢地更似對方嘅一個非常非常重要的一個人生過客)
有冇人同我有差唔多嘅諗法?

我都好鐘意仁醫。佢立意甚高，將日本國運、醫道同個人情感環環相扣，真係好佩服。
對於結局，我都覺得係happy ending，但係個happy位係咲的情感能夠傳俾醫生🙏

我都覺, 信果個位俾人一種好完整感覺
之後印象有其他電影都有類似情節

巴打又係我. 我都好鐘意仁醫, 認為係一生中必看神劇.
劇情吸引富追看性, 又帶一點懸疑, 各位演員表現出色, 橘咲表現出大和撫子既堅毅不屈, 性格甚為討好.
劇情從歷史醫療友情愛情中取得平衡, 唔會拖劇情也無趕收工, 兩季足以交代故事發展.
結局當初看來是充滿遺憾, 在古代未能跟橘咲發展, 縱然大家都互相有好感, 在現代失去自己女友. 但再細看下橘咲一直未婚而且繼承自己成為出色的大夫, 一直傳承到現代健康的女主, 而命運將兩位女角拉在一起, 彷彿要將橘咲的愛傳承到現代, 而未來也預視兩者會走在一起.
看似失去, 帶著遺憾, 但可能令你獲得更多.

巴大嘅分享
"橘咲一直未婚而且繼承自己成為出色的大夫, 一直傳承到現代健康的女主, 而命運將兩位女角拉在一起, 彷彿要將橘咲的愛傳承到現代, 而未來也預視兩者會走在一起."
又令我體會到依部劇更深層次
傳承依個點真係好特別
編劇功力好強

我覺得橘咲同南方仁兩個既關係已經超越左愛情 兩個作為師徒關係互相扶持大家 係對方有唔開心 有困難時鼓勵對方 甚至默默為對方付出 橘咲明知無可能同南方仁一齊 所以以成為出色既醫生為目標回應南方仁既愛 兩個係成套劇都無越線行為 呢種點到即止既描寫真係寫得好好

我又未覺得係happy ending 感覺係個遺憾美多啲

又想重睇添

真, 依種劇得日本先拍到

好劇值得一睇再睇

歷史修正力
每個角色都好正緒方、喜市、佐分利、山田、恭太朗

https://www.ariesmode.com/vodplay/11740-1-1.html
enjoy

呢套真係神作醫學、歷史、人生哲理、愛情等等element都平衡得好好
好鐘意龍馬粗中有細

有冇邊度有得download，搵咗好耐都搵唔到，想收藏返

我都係線上看
download以我所知就大陸網
http://www.doki8.com/?s=%E4%BB%81%E5%8C%BB
我自己都冇試過download, 因為download要先注冊

感謝巴打，Download到

睇完
好耐都未抽離到