[不容錯過嘅好作品] 86－不存在的戰區－(4)

睇完動畫，入嚟拜下先
係打完阿哥之後講佢哋向東行個度悶咗少少
但唔知點解又有種吸引力想追睇落去
最尾兩集直頭睇到喊咗

Btw想問下打完齊利地下變曬紅色花係代表乜
啲藍色雀仔又係咩嚟

你講既藍色雀仔係咪 22 集鋪係地面果啲？
係阻電擾亂型軍團 係空中時會阻礙電波通訊
同其他國家斷曬聯絡 無線電通訊都用唔到
所以先會有知覺同步既出現

紅色花係彼岸花 有帶出劇情既連貫性
例如第9集 86 離開共和國 話見到紅色既花
同一時間畫面上蕾娜跑過既地方都有出現過此花
後來 17 定 18 集 辛再次被委派出擊任務
同蕾娜講「再見」時 畫面中蕾娜走到彼岸花中
暗示左辛所認為既蕾娜處境
到 22 集再次係花海中見到蕾娜

另外都有人指出係生死既代表色
根據係係兩期既 ED 畫面
有人都提出左藍色為死 紅色為生既喻意
藍色雀仔（阻電擾亂型）係22 集
辛打完齊利既環境中鋪天蓋地
表示佢已心死 無生存意志
但蕾娜步入畫面 藍色軍團離開 出現左紅色花
表示蕾娜驅散左辛既心死 豁然開朗 有番生存既希望



唔小心打左成篇文出黎 …

呢套好多呢啲隱喻位睇嗰陣成日忍唔住pause/playback去睇多次

Thx bro

明明好好睇但冇marketing 搞到冇咩人識呢套野
A1 picture 咁認真制作值得多啲人睇

小說11卷有中譯未?

22集嗰啲藍色雀仔雖然好似阻電擾亂型
但實際係發電子機型
因為加速電磁炮型要用好多電
所以先有一大堆發電子機型跟住齊利供電俾佢

感謝巴打補充
我而家就懲罰自己由頭睇一次先

86點樣冇人識

推得4個post
人氣唔夠巨人鬼滅
我睇之前完全唔見fb IG有人講

始終題材係偏門啲既
機設又唔夠靚仔
雖然討論度係少啲
但唔少人睇完都係有讚冇彈
贏盡口碑既

輕小有個通病 設定多名詞多
唔睇慣既人頭一兩集已經勸退咗

睇巴哈有人話 Netflix 19 集個片尾換左
我特登搵番 Youtube 既 reaction 片對番
真係換左
我去睇巴哈動畫瘋都換埋

點解？

本身係近鏡閃蝶機體黎做成個 ED 靜態畫面
而家改左做辛一行人追趕閃蝶既動態畫面
可能係因為果陣趕工期 所以 hea 左個片尾
而家補番個靚片尾俾大家
同埋都算補左少少追閃蝶既劇情咁

A1 完美主義到咁樣
大家有興趣既可以去睇番

有補?
港版係咪得bilibili有得睇 想睇返

上面話Netflix同巴哈都有修正

雖然無嗰陣都冇野，但有呢幕個feel好正
唔知bd有冇改呢幕呢

去睇睇先

Bilibili 仲係舊ED
Netflix已修正
A1

1000，有冇ching想接力開新Post？