建議：發問前可先看看Q/A或頂置的Update
第一個Post：
給所有想拎免針紙的人- 分享自 LIHKG 討論區 https://lih.kg/2924679
【正文開始】
我的情況：
無打針、RNA檢測、第二日收通知、隔離左14日打電話約普通科門診約（有人話指定診所都會簽，下面再補充）、第二日睇醫生拎針紙、成功
【拎免針紙最重要的前設】
（若你是RNA核酸）必須收到政府初步陽性sms
（若你是RAT快測）正路要先收到政府初步陽性sms（其他情況請參考Q/A）；
【拎針紙的兩個方案】
《方法一：隔離後拎》（建議方法）
A.確診後，完成隔離後想拎免針紙：
1.確保自己已收到政府初步陽性SMS
2A.選擇A：隔離完成後，去有醫健通的私家醫生，帶齊政府陽性通知sms、隔離令、身份證。不過唔係個個私家醫生都會開，所以要睇埋選擇B
2B.選擇B：隔離完成後，去以下HA網站，找任何一間非指定診所的「普通科門診」https://www.ha.org.hk/gopc/；
（留意，我不建議你未完成隔離就去普通科門診，唔知有冇人捉你。同埋有少少良心，診所好多長者，唔好感染佢地）
3.打電話或者用HA GO去Book。若是電話，留意你照book到未來24小時的預約時間，關鍵是59分開始打；若在其他時間打，你只會預約到有人Cancel後既預約，book到機率更低；所以若然你有HA GO，建議你用Apps 預約，會冇咁辛苦（HA GO可參考Q/A更詳細解說）
4.電話預約既話，Book既時候要輸入你身份證和出生年份
5.留意book左後要改會好煩，所以book左就最好唔好改
6.順利book到既話，去睇醫生，主動同醫生講想拎針紙。
7.醫生會開90日免針紙俾你（現時新措施已開唔到180日）
8.成功拎針紙，個人建議你講少少病徵，拎多少少藥旁身都好
《方法二：隔離期間拎》（不穩陣方法）
B.確診後，隔離期間想拎免針紙（其他連登經驗）：
1.正路先確保自己已收到政府初步陽性SMS
2.有師兄試過「指定診所」、「醫院覆診」拎到針紙，我就試過指定診所唔得，連埋我3個家人都唔得，所以真係睇你好唔好彩。你可以照試，但預左唔得先。
3.按方法一既邏輯，見醫生拎針紙
4.完
記得我一句說話：確診收到SMS陽性後，除左普通科門診係保你100%拎到免針紙外，所有指定診所、醫院或者私家醫生都保證唔到你拎到免針紙。
【其他Q/A】
Q#1：有冇可能拎180日針紙？
A#1：現在新措施後，已經冇可能拎180（私家醫生開唔開就唔知，但政府一定唔開）
Q#2：已經打左兩針之後好返會唔會拎到免針紙？
A#2：暫時不同經驗也指出，你不會拎到有QR Code既免針紙。但你會拎到醫生證明，話你不用打第3針。
Post 1#540
張紙咪話呢個病人 XX號曾經確診而又打咗2針。 跟住according to current recommendation, 唔建議打第3針 after this natural infection. 正路而家個個醫生都跟呢個版出， 我朋友果張同我果張都一樣，我地係唔同地區嘅診所睇
Q#3：去指定診所或者普通科拎免針紙可唔可以成家一齊？定要分開約？
A#3：指定診所可以，因為預約是人手處理，對方會一個個記錄你的身份證和電話。不過普通科診所是不經人手預約（不論電話或者Apps），你只能一個個分開Book
Q#4：快測陽性，上報後未收到sms或者隔離，拎唔拎到免針紙？
A#4：你正式乖乖咁上報後，理論上就一定等到sms，所以你一定拎到免針紙。不過如果你有逼切性，都可以試下未收到SMS下book指定診所。有人提到可能好彩，同指定診所醫生口頭講自己驗到都拎到，當然這做法無保證。不過如果指定診所唔開針紙俾你，只要佢寫醫生證明你確診，咁至少你之後可以去普通科門診搞針紙。
RAT+ve/初步確診/確診圍爐區 睇晒#1-#7再問 (98)
https://lih.kg/wpFsqDX
#725 回覆 - 分享自 LIHKG 討論區
Q#5：我過左隔離14日，係咪只可以去普通診所？唔知要幾錢呢
A#5：可以去HA既普通科門診，基本上是$50；你也可以去找私家醫生，不是每個都肯寫，收費也不一致（一般是收平時醫生診金）
【有關HA GO預約】（感謝不同有心人經驗分享）
Q#6：在登記ha go時佢話「醫管局未有我的紀錄」、我要點登記HA Go
A#6：你要先下載和啟動HA Go先可以用Apps預約普通科門診
可以直接參考原文教學：https://www2.ha.org.hk/hago/patient/activation/隨時隨地啟動帳戶
開個HA Go教學：先下載，另外啟動帳戶有兩個方法
Option1：去實體指定地點 https://www2.ha.org.hk/hago/patient/activation/activation-location
Option2：裝個「智方便」app（要入身份證等個人資料）
開好智方便帳號後再開返HA Go，登入後選擇用「智方便」啟用就ok
【冇申報的情況】
Q#7：快測中左，但陽性嗰陣冇申報上去，而家啱啱轉陰，可以點算！
A#7：暫時沒有穩陣的正路方法幫到你。有人提過試下照將你陽性既RAT上報；有人試過私家醫生；也有巴打係RAT平台未出世之前中，自我隔離14日後去普通門診想拎免針都拎到
Q#8：如果我確診唔上報系統就咁去確診診所睇醫生，係咪冇可能攞到任何豁免打針 / 確診嘅醫生紙？
A#8：樓主仍建議你乖乖上報，有冇法律問題我唔熟，不過有人話你都可以試下去指定診所，知道有人rat +ve嘅時候冇申報但攞到
Q#9：我驚被人隔離，冇上報、咁拎唔拎到免針紙
A#9：情況同上面兩個問題一樣，冇得驚咁多，冇得想馬兒好又要馬兒不吃草。
佢好似電腦睇到，冇問過
