【ViuTV】羅嘉駿導演作品《940920》×《二月廿九》討論 (266) 萬一盪失路，記得呢個暗號

建議你重睇
右雨aka魚蛋條女 走去吉啊月 吉完啊月 拎左佢部機俾番余家聰

公海個post好多反viu嘅人係度抽水
煩到

係喎 要重睇

（1）A月穿越返去 - 製造 A 楚凝會長時空?（940920 聰媽死左）

（2） A月+A凝穿越返去，製造C家聰會長時空? （940920 聰媽死左）

（3）A月+A凝+C/B Yeesa 穿越返去，製造B巴西龜會長時空?（940920 邊個死左？）

由於改變命運一定要犧牲，咁如果要維持3個時空嘅講法，楚凝會長同家聰會長時空死嘅人一定要有唔一樣，咁每款穿越都要死2個人或以上先啱數wor

會唔會係
（1）聰媽+月？
（2）聰媽+凝？
（3）凝+月？

我都有諗過依一點，但係似乎940920個時空設定並唔係我哋一般所熟知嘅「平行宇宙」。如果940920係行緊「平行宇宙」，依個設定之下，229就完完全全係獨立嘅一條時間線，同940920以及作家聰時間線冇任何銜接，但係940920依套作品本身係229嘅前傳兼續集(導演自己講嘅)，所以我覺得唔會係咁嘅時空設定。

所以940920嘅時空設定我自己覺得係更傾向於可改變嘅單一時空。一般情況下，一個人起可改變嘅單一時空改變咗過去，咁原本嗰條時間線就會消失，替換成新嘅時間線。但係940920在此之上做咗啲改變，保留咗原來嗰條時間線嘅存在，然後用林楚凝嘅存在被抹消嘅方式修補時空。(依個設定係我暫時唯一諗到接到229嘅方法)

可能自己死埋加救唔到家聰老母

認同，好多位為推進個劇情而夾硬寫

啱啱諗，如果阿月嘅設定加返少少嘢就好易解得通
例如
阿月做過CID，吳卓羲式衰衝動被停職，唔再相信制度可以行使公義而辭職
識地下醫生，所以醫好個肚傷
識裝偷聽器偷聽到楚凝返到嚟
開過私家偵探社，請過關羽做intern，之後轉行搞相機

阿月嘅背景，關羽口up幾句就交代晒

支持你諗法
救完人 產咗咗作家家聰時空
楚凝做會長時空被洗
變咗做2月29 由家聰做會長嘅時空

導演話如果台灣拍就唔會有阿月 ？？
戇鳩 ？？
咩理由嚟 ？？

巴西龜會長時空（3）楚凝都係度喎，
我覺得尋日2014楚凝connect 到沙灘個幕既係末來作家聰個時空，
同埋（1）如果月返左去，即係原本天朗會黑化左做月？
咁2014楚凝係勵德樓見到個個係月定天朗（按照穿越既話會著返穿越套衫，但凝見到個個係天朗look）

但呢度講緊有三個人被救 理應有三個人犧牲
而家得楚凝同月

咁樣好合理呀
229時空同而家條主線根本同一時空
阿月痴線，楚凝穿越呢啲事全部發生過，之後冇哂痕跡，會長都唔記得哂啲野，就到yeesa穿越

再開左一條新時間線

但用呢個邏輯，會長229犧牲，yeesa應該冇左之前嘅記憶，喺巴西龜做會長個時空繼續生活，點解佢又好似冇抹除記憶

完全認同
佢串連得差，冇哂角色刻劃同細節鋪排，但依啲位一做得唔好觀眾就出哂戲令人覺得變左弱智爛劇

其實主線係好睇，大鋼係好，所以去到第八集會好番啲。但我唔係睇緊劇情簡介故事大鋼，花時間睇劇就係睇你點慢慢講好故仔，點帶動氣氛情緒，點令人投入個角色。當導演功力未夠，就會睇到燥投入唔到、覺得唔合理好唔順、角色講得唔夠動機唔夠唔明白佢哋反應、節奏拿捏得唔好，簡單啲講就係講故仔講得差，將原本明明咁吸引嘅題材同主線拍成咁所以先咁失望

失望都係因為對導演/套劇太高期望，話完都係想之後有更好睇嘅港劇而非盲捧盲插

因為佢本身唔係依個b時空嘅人
如果係本身b時空嘅yeesa 係唔會記得

個因果論玩到過火
點解有因
有為個果返去整個因出嚟

咁就會多一個設定，咁好地地點解yeesa會穿越另一個時空？會長死咪死，佢記憶被抹除先係合理

因為太少集數講啊月 所以觀眾代入唔到月嘅情緒

可能寫陳同佳

你最後對229時空嘅解法好合理，但係劇情發展上好似唔太可能

依個係229本身遺漏落嚟嘅「bug」，要睇之後發展會唔會再去補完翻個解釋。

我唔記得左229 會長係喺正常時間線死
定返左過去死？

本身係Ryan死，然後變咗會長代佢死