希望大家唔好再比呢一間藍店發災難財

八點鐘有骨氣 2022-03-15 22:41:41

#抨擊捉鬼陋習，今次仲要捉出國際⋯⋯

若要反思香港人特性有咩陰暗面，我諗「#捉鬼成性」陋習，會不幸地為多數香港人將尷尬地認同嘅一點。無論係2014定2019年，唔少人都飽受其害，包括「光復香港，時代革命」囗號發起者

首先，圖1️⃣ 裏面嗰個人講嘅係蘇豪區嘅《Dacha》餐廳。我依個成日食東歐菜嘅人，以前已經成日幫襯，我諗都有資格幫Dacha 講句公道說話。

可能捉佢鬼果條友，一次都冇幫襯過，真心對Dacha一無所知。

幾年前第一次入去，我自動波同佢哋講俄文，但當時佢哋係用烏克蘭文「得」返我轉頭。

即係點？試想像此情景：如果有個外國人入去香港餐廳，賴醒同嗰侍應用普通話落單，然後個侍應用英文答佢嘅話，即係代表乜？就係：「唔該你收皮，don’t even bother to try。」

當日嗰個懶醒嘅「外國人」咪就係我囉。

我想強調嘅係：人哋從來對自己嘅身份認同都企得好硬淨同清晰，亦冇混水摸魚過，所以希望唔好屈人係鬼。

身為香港人，我驚佢哋唔覺意聽到原來香港有人咁樣去捉佢哋鬼，我會為此感到好慚愧，好羞恥

純粹因為人哋接受過01訪問，何以得出「俄羅斯人扮烏克蘭人」指控？

先莫講外國人對香港媒體立場文化認知程度有限；移民英國嘅香港人，亦都未必個個能夠將the Sun , the Sunday Times 分辨。

一個正常人開鋪做生意，遇上好似肺炎咁嘅經濟低迷期拍烏蠅嘅時候，中學學生報訪問你，變相廣告宣傳，一個正常老闆都會首肯，何況係一個對detailed local knowledge 有限嘅外國人？

都係果句：「俄羅斯人扮烏克蘭人？」指控係點樣歸納出嚟？

學你話齋，「你係唔撚識」。用扣人帽子行為，#捉鬼去 #掩飾自己無辦法解釋嘅無知，#將認知障礙順理化，#只會令自己繼續無知落去。

圖2️⃣：面對另一間餐廳《Ivan the Kozak》嘅Viktoria，又要「買定離手賭仔式」表態支持，但又要抱着質疑保留心態，去「睇定啲」Viktoria ，夾硬拉埋人母語係俄語依個generic quality 去品評

咁你依家係咪懷疑Viktoria 唔夠純正烏克蘭？

大佬呀，「支持」烏克蘭同時，你 #願意對烏克蘭多加認識嗎？

烏克蘭依個有百幾個民族共存嘅國家，因為沙俄以至蘇聯時代嘅帝國主義及文化圈原因，俄文就成為咗地區嘅共同語言。令到係烏克蘭用俄文當母語嘅人，仲普遍過係叫「嘉欣」嘅香港人⋯⋯

人哋經歷過蘇聯時代嘅俄化過程，依家逐漸強化烏克蘭民族性，咁樣都要俾你挖出嚟加以抱疑？

都係果句啦，誅心用generic quality 扣人帽子，#捉鬼去 #掩飾自己無辦法解釋嘅無知，#將認知障礙順理化，#只會令自己繼續墮入無知愚蠢深淵。相信多數經歷完2014同2019年嘅朋友，對「捉鬼」陋習深痛惡絕，感嘆多年嘅捉鬼，更似捉蟲

Let’s just quit it, come on. 戒捉鬼啦

最後，唔開名係因為個post會被report侵犯私隱，而且想將話題集中在抨擊「捉鬼行為」陋習instead of 攻擊返個別捉鬼人士

https://www.facebook.com/105436771003570/posts/521755186038391/?d=n

Pomato世一 2022-03-15 22:42:33

上連登用emoji