報價時又話包晒全部嘢+裝拆傢私 (多箱另加錢正常)，但又唔講冇衣架車，冇裝衫大膠袋，又要加錢。
跟住搬屋當日，其中一個師傅唔戴口罩，之後同個CS反映仲話係做做吓嘢整跌咗冇戴返，咁都得?
又冇乜禮貌。搬運期間好幾次整跌嘢，啲箱同櫃桶又亂咁放，最後好多個櫃桶入面D嘢都亂晒反晒。
佢地走咗之後先發現，裝返個IKEA衣櫃之後有大大個窿，同CS講又話IKEA本身係咁。
個電視櫃又唔裝返好佢，是但 要我自己裝之餘仲花晒, 仲多多藉口話係老化, 實木電視櫃用咗4年就老化??
有個膠櫃桶個轆俾佢地整唔見，起初仲同我講話: ＂拆走其他3個轆用咪得＂。最後黑佢地面先肯買返個轆俾我。
宜家執完仲發現唔見咗1個拖板同1個HUE燈膽hub + 一啲雜物
