［年經］絲打入 係咪日日都會搽防曬？

用緊呢隻

試過上手，覺得藍色仲泛白過粉紅色

防曬pr 全面進場！！！

見呢兩枝Sunplay幾受歡迎，我有喺屈記試過
以物理防曬嚟講的確係算透薄好推，成膜唔錯
只係唔知物理防曬成份Zinc Oxide同Titanium Dioxide有幾多%
上網搵極都冇資料，呢一點令我最後都冇買到佢
除非佢話有其他防曬成份輔助，但check過唔見有

另外，小小不專業分享點解無色版會泛白同笠過潤色版
如果兩個版本要達到同樣「防曬力」：

(藍)無色物理防曬會泛白、笠啲係因為要落多啲ZnO同TiO2
而呢兩種成份本身係白色粉體嚟，難啲溶喺水度
但以我感覺，texture算合格，上塊面未至於太焗

(粉紅)潤色防曬點解好推啲，係因為色料可以加持佢防曬力
所以ZnO同TiO2可以落少一啲，就冇咁明顯泛白同笠
色料加持塊面會粉少少，混油/油雞揀佢膚感會好啲

總結嚟講，Sunplay呢兩枝物理防曬係算好推、唔易泛白
但未知防曬成份%同埋有香料，會係大家要諗諗嘅地方

多謝分享！想問下你有冇其他防曬推介？

塊面我比較放心用物理防曬，所以唔推化學或物化防曬住
雖然化學防曬已經做到好安全，但會滲入皮膚都係
要高效防禦UVA / UVB，有部份化學防曬成份一定出色過ZnO同TiO2
只係我唔係太常喺戶外，所以呢方面可以降低少少需求～

我混油肌，皮膚冇咩瑕疵，我嘅選擇條件係:
100%物理防曬
成份係咪clean、安全 (例如冇香料、冇致敏等等)
防曬力、防水、防甩、防滲透
要清爽，唔油、唔笠、要好推，膚感要舒服
想有少少潤色，太懶，唔會再化妝
左揀右揀，試嚟試去，得呢兩枝係比較啱用

1. userism 物理防曬DD Cream
: 有兩隻色，想要白皮自然皮都得
: 遮瑕力高，好修飾到毛孔，唔使用foundation
: 質地順滑，夠濕同好好推
: 成份有紫羅蘭精油，有陣淡淡香味
: 性價比高，香港有代理，$220有50ml
: 有補濕成份，例如維他命E、透明質酸、Q10
: 以上補濕成份用喺防曬霜，皮膚唔會吸收到，變咗少少多餘
: 粉感會比幸福肌重少少，最好少量多次上塊面
: 比起幸福肌，好似會容易暗沉啲，同埋焗少少少少

2. 幸福肌防曬保濕乳霜 (透氣型)
: 遮瑕力OK，修飾到毛孔，比較適合鍾意自然啲嘅巴絲
: 物如其名夠透氣，唔油、唔笠、質地順滑，好好推
: 防水、防甩力好掂，夏天大汗都唔使驚
: 品牌創辦人係成份專家，已經推廣防曬好多年
: 冇多餘成份，佢就只係一枝防曬
: 用咗好多年，塊面白過個身好多
: 大概HKD 300幾 / 30ml，得官網先買到，未計運費
: 未必個個接受到陣原料(臭)味
: 難卸妝啲，因為真係好防甩但對我嚟講係優點

總結嚟講，userism應該比較容易啲接受～
但我信幸福肌對成份嘅執着，唔介意貴同臭可以諗佢
諗到嘅係咁多，歡迎咁多位巴絲打一齊互相交流啊
身體防曬我以後再打

thx絲打lm睇身體防曬

上面位絲打好有心機

Cancer Concil日日用
唔油易推，一搽上臉已經好快乾爽

利：窗口位，兩個鐘補一次

好用，之前用佢去行山冇黑冇紅

用緊 etvos 防曬粉，粉狀所以唔會焗粒粒

都要架 唔好懶啦

之前消委會推薦過nivea呢隻防曬
但係唔敢搽落塊面 淨係搽身
有冇絲試過 分享下搽唔搽得面

19歲開始日日搽防曬 搽到今年30歲
Sofar 皮膚都keep 到

男仔25歲先搽 會唔會太遲?

有冇用洗面奶都卸到嘅防曬？
男仔冇卸妝嘢

行山出海玩用邊隻防曬好啲呀？

Allie 防曬

點解唔敢搽面？