隻貓係咁開口抖大氣

你做乜鳩？家陣有人話唔帶佢去睇醫生？

你有病就去睇下精神科啦

起晒鋼做咩
俾啲資訊大家去確認返自己決定係咪正確，有咩問題
一嚟就人身攻擊
中學畢業未

沙田圍個間好一般，開d藥俾我隻貓好差

同大家交代番聲

大概一個禮拜之前
發現屋企個主子條氣好急速
又成日開口抖氣
上網Google發現原來貓開口抖氣係「異常情況」
迫佢入籠冷靜完，好似都冇乜改善
我哋就有啲擔心
所以就臨急搵左大圍個間禽獸睇急症（冇得揀⋯其他診所全部full Booking）
入到去之後
當時個位dr dxxxx淨係聽一聽隻貓個呼吸就話佢個肺有啲花
叫我哋要照X光先可以知咩事
然後護士就拎咗個價目表過嚟
內容大概係做超聲波、X光、驗血等等，大概二X X X至5X X X價錢），佢同我哋講
唔一定會做晒表上嘅項目（但最尾都擅自幫我哋做咗某啲項目）
然後等咗一個鐘幫完隻貓打咗鎮靜劑同埋照完X光
入去聽醫生診症，佢就話隻貓心臟冇事，
但個肺有啲花，同埋有少少積水
然後就叫我哋再驗埋血，
因為好可能其他問題導致

最緊要隻貓健康
冇理由唔做埋佢
但驗完之後問題又嚟啦
醫生睇完份驗血報告之後
都係同我哋講唔知咩事
只係「極度懷疑」隻貓貓患咗Fip
因為alb/glob呢一行啱啱踩界（0.6）
所以佢都唔清楚，

於是乎，又再叫我哋做埋驗冠狀病毒嘅Test
但因為好似做完超聲波，又做完X光，血都驗埋，都冇一個合理原因，
而且覺得醫生講完佢自己都係估估下
所以我哋就冇做，埋單走人
最尾只係開咗簡單腸胃藥同埋擴氣管藥
（ps 同一晚發現貓貓冇改善打返過去問
診所話佢係有「肺積水」
叫我哋呢幾日觀察下
然後再返去複診)


到第二晚，依然發現隻貓呼吸頻率好高
忍唔住凌晨三點帶佢去相睇vsh
但因為疫情關係，唔俾主人入去，所以睇唔到佢點樣檢查隻貓，
但都係照樣照X光+超聲波（今次就冇驗血）
然後外國醫生就有問我哋詳細情況
（包括之前一個星期貓貓嘅狀態，有冇食過啲乜嘢，有冇明顯病徵等等）感覺比起大圍嗰間深入好多
因為我哋都有講上一位醫生睇完佢之後懷疑佢係有F IP
醫生睇完佢報告之後，
都覺得佢係有呢個「可能性」
但就話佢唔係「肺積水」而係「腹水」(大圍嗰間話係肺積水）
建議佢即晚瞓氧氣箱，
第二日轉介佢專科做深入檢查
但因為醫生坦白同我哋講
其實都保證唔到檢查完有確實答案
所以同我哋講，建議可以考慮吓先


其實呢幾晚除咗呼吸頻率異常之外，
貓貓係精神方面、飲食作息，完全冇問題
仲跑得跳得過我
於是聽呢度有位好好心嘅絲打介紹
去咗大圍另一間診所睇多次
希望聽多個意見
順便係呢個星期觀察佢會唔會有其他病徵先
有多兩手準備

到今次呢位好好嘅醫生
一嚟到佢就問我地隻貓貓嘅精神狀況
而我隻貓真係好鬼精神
仲要一上磅，發現佢一星期由2.7kg重到去3.1kg
然後個醫生都話未見過病嘅貓咁好生養
佢又好細心同我哋講解
好多幼貓就算有開口抖氣/呼吸急促
都未必真係有直接嘅健康問題（大前提係有做心臟病檢查）
而且佢呼吸頻率急速，
都有可能係佢玩得太過興奮唔識停
而之前其他醫生講嘅「淋巴腫脹」都有機會只係天生個淋巴生得較明顯，並非真係「腫脹」
其次就係隻貓氣喘，同F IP冇直接關係（即係唔算病徵）
但佢都坦白講，依家冇事都唔代表之後冇事
其實聽到呢一度我哋都好安心
至少知道呢一刻嘅佢唔係患咗絕症
亦都唔係有其他不明不白嘅病影響到佢

雖然今次用咗成萬蚊先發現白忙一場
仲要成個禮拜冇訓
但知道主子相安無事真係好老懷安慰
希望可以幫到有類似經驗嘅朋友
最好真係問多幾個醫生先
或者有類似經驗嘅朋友
唔係如果聽第一個醫生講，係咪都打咗針先，咁就有機會弄巧反拙（ps佢臨走仲建議我哋買咗針先，之黎再返黎搵護士教我地打）

（喺度多謝幾位熱心嘅巴絲幫忙，感謝你哋嘅建議）

俊康 闕醫生