想問生智慧齒痛係咪代表一定有問題

依家上面個排有隻有出左小小，咬野個陣有d痺，係咪啫係一定係打橫生左，正常打直生就唔會痛？

話你聽有問題，你就要去睇牙醫
話你聽冇問題，但你唔舒服，最後一樣要去睇牙醫

建議去check up
點生可以一世無影響，大多數都是蛀左 發炎 等等 google到後果

痛嘅話即係有可能打橫生、蛀咗牙等等因素，但一定唔會係冇問題。牙醫可能會叫你忍得到就唔使剝，但係我話俾你聽後果好嚴重，因為最嚴重嘅係金錢問題，打橫生開刀嘅話好貴，如果專科仲貴。智慧齒蛀牙會傳染俾大牙，到時候就gg 利申 已剝哂四隻，唔使再受折磨。

如果打橫生既話係咪會一直痛到剝左為止

照X光， 有圖有真相，聽完建議再自己決定

搵牙醫仲好啦
不過橫生既會有機會頂到你大牙/ 蛀牙傳比你大牙
到時你要根呢樣整果樣仲貴
我黎緊都想一次過清哂4隻牙...

生左一半出嚟可唔可以剝㗎定一定要等佢生曬出嚟先剝得

我四隻都夠位生，又無歪好整齊，全部用到唔洗剝。
但每一隻生出黎差唔多用成年時間，有隻岩岩爆開牙肉生左一粒角仔果陣，痛到飛起，喊住敷左成晚冰，之後就無野。四隻生果陣，都係酸酸痹痹，有時成日牙齒刮到牙肉發炎終於捱過左果幾年
所以未必打横生既，就算打横生都未必一定要剝，有朋友照左x-ray，全部打橫生，有啲唔出黎，或者生到一半頂住停左生，牙醫見太近神經線，都唔建議剝，除非一路頂住keep住痛，發炎
不過有唔舒服，一律建議睇牙醫

ok,thxxxxxxxxxxxx

我果陣打直生得好齊，但成日會咬到入便d肉，痛到仆街

生左幾年，可能因為刷牙好難刷到最入果d位，最後4隻一齊蛀哂的起心肝睇醫生處理哂佢，之後重獲新生